"Qarabağ"ın futbolçusu əməliyyat olundu

"Qarabağ"ın futbolçusu əməliyyat olundu
XƏBƏR 1 Mart 2011 / 15:38 2014
-  A +

"Simurq"la oyunda "Qarabağ"ın həlledici qoluna imza atan Aftandil Hacıyevin zədələnməsi haqda xəbər vermişdik. Qol.Az-ın məlumatına görə, 29 yaşlı müdafiəçi qış hazırlığının sonuna yaxın dizindən zədələnmişdi.

Artıq Aftandil Türkiyədə uğurla əməliyyat olunub. Türkiyənin azəri əsilli ünlü həkimi Mehmet Binnət tərəfindən keçirilən əməliyyat uğurlu alınıb. Hazırda özünü yaxşı hiss edən Aftandilin tezliklə məşqlərə başlayacağı gözlənilir.

Hacıyev isə klubun rəsmi saytına verdiyi açıqlamada bunları deyib: "Zədələnməyim heç yerinə düşmədi. Amma futbolçu həyatında zədələr qaçılmazdı. Allaha şükür ki, əməliyyat uğurlu alındı. 3 gün sonra artıq yüngül qaçışa başlayacam. 10 gündən sonra isə artıq komandayla məşqlərdə iştirak edəcəm. İnşallah, tezliklə tam sağalıb komandaya faydalı olmaq istəyirəm".


Son xəbərlər