22:42
“AFFA rəhbərliyi Azərbaycan futbolunun 100 illik yubileyinə Rusiyanın “Terek” klubunun baş məşqçisi Ruud Qulliti dəvət etmək istəsə, əlimdən gələn köməyi göstərə bilərəm”. Qol.Az-ın məlumatına görə, bu sözləri Lent.az-a Azərbaycan milli komandasının sabiq baş məşqçisi Şahin Diniyev deyib.
Qullitin gəlişindən öncə “Terek”də baş məşqçi köməkçisi kimi çalışmış Diniyev Çeçenistan klubu rəhbərliyi ilə xoş münasibətlərinin hələ də qaldığını bildirib. Onun sözlərinə görə, Qullitin futbolumuzun yubiley tədbirinə gəlişi üçün AFFA-dan müraciət olsa, bu əlaqələrindən yararlana bilər: “Mən “Terek” rəhbərliyindən xahiş edərəm ki, Qulliti Bakıya gəlməyə razı salsın. Amma son qərarı məşhur futbolçunun özü verəcək”.
Qışda Çeçenistanla həmsərhəd olan Dağıstanın “Anji” klubuna da məşhur futbolçu gəlib. Bu, braziliyalı müdafiəçi Roberto Karlosdur. Lakin dünyaca məşhur futbolçu və baş məşqçilərin kriminal zona sayılan Dağıstan və Çeçenistanda çalışmağa razılıq vermələri maraq doğurur. Diniyev bu fakta belə münasibət bildirib: “Rusiya çempionatının səviyyəsi yüksəkdir. Roberto Karlosla Ruud Qullit böyük pullar qarşılığında Dağıstanla Çeçenistana gəliblər. Yəqin ki, onların təhlükəsizlik məsələlərinə yüksək səviyyədə təminat verilib. Ona görə də gəlməyə razı olublar”.
Qeyd edək ki, Şahin Diniyev 2009-cu ilin yanvarından 2010-cu ilin noyabrınadək “Terek”də çalışıb.
"Turan Tovuz"da ayrılıq
İlin ən güclü klubu bəlli oldu
Ronaldo Yaxın Şərqin ən yaxşı futbolçusu oldu
Dünyanın ən yaxşı hücumçusu bilindi
İngiltərə klubu baş məşqçisi ilə yollarını ayıra bilər
PSJ-nin 2 futbolçusu ilin ən yaxşısı seçildi
İlin komandasında kimlərin adı var?
Hoylund dubl etdi, "Napoli" qalib gəldi
Millidən gələn təklifi rədd etdi
"O, topa zərbə vura bilmirdi"
Hakimi zədəsini sağaltdı, kubok oyununda meydanda olacaq
"Bavariya" 2 futbolçusunun müqaviləsini uzadır
