«Qarabağ»ın vitse-prezidenti: «Quzanlı stadionu bizim üçün qaladır, klublar orada oynamağa razılıq verməlidir»

«Qarabağ»ın vitse-prezidenti: «Quzanlı stadionu bizim üçün qaladır, klublar orada oynamağa razılıq verməlidir»
XƏBƏR 15 Fevral 2011 / 16:55 2154
-  A +

«Qarabağ» klubunun vitse-prezidenti Tahir Gözəl ilk «altılığ»ın iki oyununu Ağdamın Quzanlı qəsəbəsində keçirmək niyyətini bir daha təsdiqləyib. Qol.Az-ın məlumatına görə, bu gün keçirdiyi mətbuat konfransında o, Quzanlının «Qarabağ» komandası üçün bir qala adlandırıb.

Peşəkar Futbol Liqasının prezidenti Ramin Musayevin «Qarabağ»ın bu mövsüm Quzanlıda oynamasına razılıq verməyəcəkləri barədə fikirlərinə toxunan T.Gözəl bunları söyləyib: «Biz ən azı 2 matçın Quzanlıda keçirilməsini istədik. PFL prezidentinin bəyanatından xəbərdaram. O, klublarla razılıq əldə edəcəyimiz təqdirdə buna razılıq veriləcəyini deyir. Biz də digər klublardan bununla bağlı xahiş edəcəyik. Məncə, onlar bizim müraciətimizə anlayış göstərməlidir. Xahiş edəcəyik ki, gəlib orada oynasınlar. AFFA ilə razılıq əldə etməyə çalışacağıq ki, gələn mövsümdən oyunlarımızın bir hissəsini Quzanlıda, digərlərini isə Bakıda keçirə bilək».

T.Gözəl «Qarabağ»ın Ağdam Rayon İcra Hakimiyyətinin başçısıyla aralarında yaranmış görə Quzanlıda oynamaq imtina etməsilə bağlı sualı da cavablandırıb: «Bizim ora getməməyimiz texniki şərtlərlə bağlıdır. Heç kimlə şəxsi problemimiz yoxdur, ola da bilməz».


Son xəbərlər
28.12.25  13:50

İsko 1 ay oynamayacaq