"İnter" yalnız çempionluğa oynayan komandadır"

“Simurq”la oyundan sonra “İnter”in yarımmüdafiəçisi Rövşən Əmiraslanov görüş haqda fikirlərini bölüşüb. Qol.Az-ın məlumatına görə, Əmiraslanov bu oyunda "İnter"in çətin qəlbə qazandığını bildirib:

-Rövşən, matç “İnter” üçün pis alınmadı. Bununla belə, oyunu asan da adlandırmaq olmaz-“Simurq” bacardığı qədər mübarizə apardı...

-Qeyd etmək istəyirəm ki, biz Türkiyədə keçirdiyimiz təlim məşq toplanışını fevralın 10-da başa vurduq və “Simurq”la qarşılaşmaya hazırlaşmaq üçün ixtiyarımızda cəmi iki gün var idi. Buna görə də, bizim hərəkətlərimizə bir qədər yorğunluq təsir edirdi. Bundan əlavə, təbii otörtüyündən süni otörtüyünə keçmək çətindir. Komanda bunu bu ayda bir neçə dəfə edib: Sankt-Peterburqda biz süni ot örtüklü meydançada oynadıq, sonra Antalyada təbii ot örtüklü meydana çıxdıq, indisə yenidən süni meydançaya qayıtdıq. Onu da demək istəyirəm ki, “Simurq” bizimlə matça xüsusi əhval-ruhiyyədə çıxır. Mən deyərdim ki, onlar üçün “İnter”lə oyunlar-mövsümdə ən vacib qarşılaşmalardır. Biz anlayırdıq ki, çətin olacaq, lakin ən əsası qalib gəlmək idi və biz də meydandan qalib ayrıldıq.

-Oyunda bir neçə gün şəhərə hakim kəsilmiş güclü küləyə qarşı oynamaq da çətin idi...

-Bəli, külək oynumuza təsir göstərdi. Top qəbul etmək, uzun ötürmələr vermək və qapıya zərbə endirmək çətin idi. Külək bizə oynamağa çox mane oldu.

-Oyunun sonunda vəziyyət gərginləşdi, az qala aqressiyaya dönəcək sərtlik əlavə oldundu.

-Yox, aqressiya yox idi, axı, biz “Simurq”un futbolçularıyla yaxşı tanışıq. Sadəcə, futbolda belə şeylər tez-tez olur, ona görə ki, heç kim güzəştə getmək istəmir. Lakin sərtlik aqressiyaya keçməməlidir.

-Sən artıq tez-tez əsas heyətdə görünürsən. Özünü əsas heyətin futbolçusu hiss erdirsən?

- Mən həmişə deyirəm ki, “İnter” elə komandadır ki, hər bir futbolçuya özünü göstərməyə şans verilir. Mən baş məşqçi Kaxaber Tsxadadzeyə minnətdaram ki, mənə inanır və məni meydana buraxır. Mən isə öz növbəmdə bu etimadı doğrultmaq üçün əlimdən gələni etməyə çalışıram.

-Bu turda yüksək yerlər uğrunda mübarizə aparan komandaların çoxu xallar itirdi ki, bu da “İnter”ə üçüncü yerə çıxmağa və “Neftçi” və “Xəzər-Lənkəran”a yaxınlaşmağa imkan verdi...

-Bəli, bu qələbə bizə çox şey verdi. “Simurq”a qalib gəlməklə biz “altılıq”da mövqeyimizi hissediləcək dərəcədə gücləndirdik və 3-cü yerə çıxdıq. "İnter" yalnız çempionluğa oynayan komandadır və əgər biz öz oynumuzu göstərsək və xal toplasaq, o zaman mütləq məqsədimizə çatacağıq.

- Bəs, milli komanda barəsində nə deyə bilərsən? Millinin heyətinə düşməyə ümid edirsən?

-İstənilən Azərbaycan futbolçusu kimi, mən də nə vaxtsa milli komandanın köynəyini geyinməyə ümid edirəm. Belə də deyə bilərəm ki, milliyə çağırmırlarsa, demək buna lüzum görmürlər. Ola bilər ki, mənim oyunum komandanın baş məşqçisində təəssürat oyatmır. Dəvət edərlərsə, bu təklifi böyük məmnuniyyətlə qəbul edərəm və özümü yaxşı tərəfdən göstərməyə çalışaram.

-Milli komandaya kömək etməyə özündə güc hiss edirsən?

-Əlbəttə. Mən digər azərbaycanlı futbolçular kimi, ölkənin əsas komandasına kömək etməyə özümdə güc hiss edirəm. Mən hazıram.