Əmrə Bəlözoğlu:"Türkiyə millisindən getməyi düşünürəm"

Əmrə Bəlözoğlu:"Türkiyə millisindən getməyi düşünürəm"
XƏBƏR 12 Fevral 2011 / 18:10 1853
-  A +

Türkiyə milli komandasının kapitanı Əmrə Bəlözoğlunun yığmadan ayrılmaq istəməsi yenidən gündəmə gəlib. Qol.Az-ın məlumatına görə, fevralın 9-da Cənubi Koreya ilə yoldaşlıq matçında qırmızı kart alaraq meydandan qovulan Əmrəyə qarşı edilən təzyiqlər fubolçunu bu qərar haqda daha ciddi düşünməyə vadar edib.

AÇ-2012-nin seçmə mərhələsi çərçivəsində millimizə 0:1 hesabı ilə məğlubiyyətdən sonra ilk dəfə Türkiyə millisindən getmək istədiyini  açıqlayan Əmrə bu barədə belə deyib: "Bilirəm bu çox çətin bir qərardır. Lakin günü-gündən mənə qarşı təzyiqlər artır. Etdiyim hərəkətlərin doğru olmadığını çox gözəl bilirəm. Bununla belə artıq Türkiyə yığması ilə vidalaşmaq istəyirəm. Ailəmin də fikrini öyrənəndən sonra heç kəsə ziyan vermədən öz qərarımı açıqlayacam".

Qeyd edək ki, Türkiyə - Koreya matçının 60-cı dəqiqəsində qırmızı kart alaraq meydandan qovulan Əmrə baş məşqçi Quus Hiddink tərəfindən kəskin tənqidə məruz qalmışdı.


Son xəbərlər
28.12.25  13:50

İsko 1 ay oynamayacaq