Quus Hiddink Abramoviçin təklifini rədd etdi

Quus Hiddink Abramoviçin təklifini rədd etdi
XƏBƏR 9 Fevral 2011 / 13:49 1622
-  A +

Türkiyə milli komandasının hollandiyalı baş məşqçisi Quus Hiddink "Çelsi" klubunun sahibi Roman Abramoviçin təklifini qəbul etməyib. Qol.Az-ın məlumatına görə, 64 yaşlı mütəxəsis yenidən "Çelsi"yə qayıtmaq istəmədiyini bildirib: Yenidən "Çelsi"yə qayıtmağım mümkün deyil. Çünki mən hazırda Türkiyə milli komandasında işlədiyim üçün hər hansı bir kluba vaxt ayıra bilmərəm. Üstəlik artıq yaşım da çox olduğuna görə, 2 cəbhədə işləmək gücündə deyiləm. Bununla belə, hər hansı bir kluba getsəm də, orada öz planlarımı qurmağa çalışacağam. Təbii ki, bu da təxminən 2-3 ildən sonra öz bəhrəsini verəcək. "Çelsi"də isə hərşey fərqlidir. Onlar məşqçidən tez bir zamanda uğur tələb edirlər. Ona görə də, Abramoviçin bu təklifini rədd etməli oldum. Hazırda isə bütün diqqətimi Türkiyə milli komandasına yönəltmişəm və Burada uğur qazanacağıma inanıram".

Qeyd edək ki, 2009-cu ildə "Çelsi"yə rəhbərlik etmiş Hiddink bu komanda ilə İngiltərə Premyer Liqasında 3-cü yeri tutmuş, FA kubokunu qazanmış və Çempionlar Liqasının yarımfinalında isə "Barselona"ya məğlub olmuşdu . 


Son xəbərlər
28.12.25  13:50

İsko 1 ay oynamayacaq