"Vuracağım qollarla azarkeşləri yenidən sevindirəcəm"

"Vuracağım qollarla azarkeşləri yenidən sevindirəcəm"
XƏBƏR 8 Fevral 2011 / 19:07 2523
-  A +

Türkiyədə təlim-məşq toplanışında zədə alan "Neftçi"nin belçikalı hücumçusu Emil Mpenza, vətənində uğurla əməliyyat olunub. Qol.Az-ın məlumatına görə, Mpenzanı əməliyyat edən həkimin bildirdiyinə görə, tezliklə fərdi məşqlərə başlayacaq futbolçu 6 həftəyə yaşıl meydanlara dönəcək.


Həmçinin, Emil Mpenza əməliyyatı və qarşıdakı oyunla bağlı "Neftçi"nin rəsmi saytına danışıb. "Artıq zədə ilə bağlı problemi əməliyyat olunaraq arxada qoymuşam. Cərrahiyyə əməliyyatı uğurla başa çatdı. Həkimlərin rəyinə görə, 6 həftəyə yaşıl meydanlara dönəcəm. Mənim əsas təəssüfləndiyim məqam bu müddətdə "Neftçi"yə kömək edə bilməməyimdir. Bildiyiniz kimi, bizi növbəti turda vacib görüş gözləyir. "Xəzər-Lənkəran"la oyunda komanda üzvlərinin var güclərini ortaya qoyaraq qələbə qazanacaqlarına inanıram. "Neftçi"nin heyətində yüksək səviyyəli futbolçular yer alır. Onların mənim yoxluğumu unutduracağına əminəm. Buradan "Neftçi" azarkeşlərini bu əhəmiyyətli oyuna səsləyirəm. Qoy, onlar komandamızı sona qədər dəstəkləsinlər. "Neftçi" "Xəzər-Lənkəran"la oyunda qələbə qazanaraq, çempionluq yolunda daha bir əngəli arxada qoyacaq. Mən də tezliklə flaqmanın düşərgəsinə qayıdaraq vuracağım qollarla onları yenidən sevindirəcəm".


Son xəbərlər
28.12.25  13:50

İsko 1 ay oynamayacaq