"Neftçi"nin əvəzediciləri "Kuban"a uduzmadı

XƏBƏR 3 Fevral 2011 / 17:26 1676
-  A +

Rusiyanın Krasnodar vilayətinin Krımsk şəhərində təlim-məşq toplanışında olan "Neftçi"nin əvəzedici heyəti üçüncü yoxlama oyununu keçirib. Qol.Az-ın klubun rəsmi saytına istinadən yaydığı xəbərə görə, gənclər Rusiyanın "Kuban" (Krasnodar) klubunun əvəzedici heyəti ilə qarşılaşıblar. Görüş 2:2 hesabı ilə başa çatıb. "Neftçi"nin qollarını Aqşin Muxtarlı ilə Tural Adıgözəlov vurub. İqor Getmanın rəhbərlik etdiyi komanda sabah təlim-məşq toplanışını başa vuraraq, Vətənə qayıdacaq.

Xatırladaq ki, "Neftçi"nin gəncləri hazırlıq prosesi zamanı 3 yoxlama görüşü keçirib. "Spartak" Nalçik (1:1) və "Kuban" Krasnodar (2:2) komandalarının əvəzedici heyəti ilə heç-heçə oynayan "Neftçi" "Krasnodar" klubunun gənclərinə qalib gəlib.


Son xəbərlər
28.12.25  13:50

İsko 1 ay oynamayacaq