"Qarabağ"ın məşqi davam edir

"Qarabağ"ın məşqi davam edir
XƏBƏR 2 Fevral 2011 / 18:35 1465
-  A +

Ağdamın "Qarabağ" klubu Antalyada hazırlıqlarını davam etdirir. Qol.Az-ın məlumatına görə, 25 gün davam edən təlim-məşq toplanışında bu gün 2 məşq nəzərdə tutulmuşdu.

Ənənəvi olaraq  səhər məşqi 10:30-da baş tutub.  İsinmə hərəkətlərinin ardından 3 qrupda "kvadrat " oynayan futbolçular daim dəyişikliklərlə çalışmanı rəngləndiriblər.

Ümumiyyətlə, uzun sürən toplanışa baxmayaraq komandada əhval-ruhiyyə yetərincə yüksəkdir. Bugünkü çalışmada komanda üzvlərinin bir-biriylə deyib gülməsi nəzərdən qaçmadı. "Kvadrat"ın ardından meydanın mərkəzində baş tutan əyləndirici çalışma zamanı futbolçuların əhval-ruhiyyəsi diqqəti cəlb edib.

Sonda isə ilk məşqin sonuncu çalışması baş tutub. Meydanboyu müdafiə, yarımmüdafiə və hücum bölgəsində yerləşən futbolçular zonalarla hərəkət üzərində çalışıblar. 12 dəqiqəlik qaçışla məşq başa çatdı.

Onu da bildirək ki, Maksim Medevedev bu gün komandayla tam olaraq məşq etdi. Dünən axşamkı çalışmada ayağında ağrı hiss edən Namiq Yusifov qaçmaqla kifayətləndi. Xəstə olan Qara Qarayev isə məşqə çıxmadı.


Son xəbərlər
28.12.25  13:50

İsko 1 ay oynamayacaq