"Bakı"nın rəqibi dəyişdi

XƏBƏR 2 Fevral 2011 / 17:50 1619
-  A +

Antalyada təlim-məşq toplantısını yekunlaşdırmaqda olan "Bakı" klubunun sayca beşinci yoldaşlıq oyunundakı rəqibi dəyişib. Qol.Az-ın klubun rəsmi saytına istinadən yaydığı xəbərə görə, fevralın 3-də Almaniya Oberliqa təmsilçisi "Ştutqart Kikkers" klubu ilə nəzərdə tutulan yoxlama oyunu baş tutmayacaq. Son yoxlama oyununda "Bakı"nın rəqibi "Ştutqart Kikkers" deyil, Oberliqanın digər təmsilçisi "FSV Martinroda" olacaq.

Oyun fevralın 3-ü, Bakı vaxtı ilə saat 13-də başlanacaq.

Xatırladaq ki, "Bakı" Antalyada 4 yoxlama oyunu keçirib. Qazaxıstanın "Akjayık" (3:0), "Şaxtyor" Karaqanda (1:1), Ukraynanın "Metallurq" Zaporojye (0:0) və Rumıniyanın "Panduri" (1:0) klubları ilə qarşılaşan "Bakı" 2 oyunda qalib gəlib, iki oyunu isə heç-heçə başa vurub.

"FSV Martinroda" ilə qarşılaşma ilə yoxlama oyunları yekunlaşmış olacaq.


Son xəbərlər
28.12.25  13:50

İsko 1 ay oynamayacaq