Millinin düşərgəsindən qayıdan futbolçu "Qarabağ"ın məşqinə qatılmadı

Millinin düşərgəsindən qayıdan futbolçu "Qarabağ"ın məşqinə qatılmadı
XƏBƏR 1 Fevral 2011 / 17:12 1859
-  A +

Ağdamın "Qarabağ" klubu Antalyada hazırlıqlarını davam etdirir. Qol.Az-ın məlumatına görə, artıq komanda qardaş ölkədə keçirdiyi təlim-məşq toplanışının 24-cü gününə qədəm qoyub. Bu gün komandanın 2 məşqi nəzərdə tutulub. 

İlk məşq saat 10:30-da baş tutub. 90 dəqiqə davam edən çalışmada futbolçular kifayət qədər yüklənib. Belə ki, qısa müddət ərzində templə qaçan komanda öncə meydanın müəyyən ərazisində qurulmuş sistemdə fərdi olaraq qızışdırıcı hərəkətlər yerinə yetiriblər. 

Sonda isə günün əsas çalışması baş tutub. Meydanın 2 fərqli hissəsində toplaşan futbolçular sürət və driblinq üzərində çalışıblar. Maneələri dəf edərək, yenidən sürətin yığılması və sonda qapıya zərbəylə nəticələnən çalışma 8 təkrarla  həyata keçirildi. Daha sonra yüngül qaçışla ilk məşq başa çatdı.

Onu da qeyd edək ki, artıq bir neçə gündür U-21-in düşərgəsinə olan Tural İSgəndərov, Qara Qarayev və Murad Səttarlı komandanın sıralarına dönüblər. Əsas milliyə gedən futbolçuların da yoxluğunda "Qarabağ"ın məskunlaşdığı otelin yaxınlarında təlim-məşq toplanışı keçən gənclər millisindən 3 futbolçu artıq geriyə qayıdıb.  Amma Qara Qarayev xəstəliyi səbəbindən ilk məşqdə iştirak edə bilməyib.
 
Qeyd edək ki, komandamızın 2-ci məşqi yerli vaxtla 16:30-a nəzərdə tutulub.


Son xəbərlər
28.12.25  13:50

İsko 1 ay oynamayacaq