"Xəzər Lənkəran" bu gün vətənə qayıdır

"Xəzər Lənkəran" bu gün vətənə qayıdır
XƏBƏR 31 Yanvar 2011 / 13:20 2096
-  A +

Türkiyədə 20 günlük təlim-məşq toplanışında olan "Xəzər Lənkəran" klubu hazırlıqlarını bu gün başa çatdırıb Vətənə dönür. Qol.Az-ın məlumatınna görə, bu ərəfədə klubun düşərgəsinə gələn bir neçə fubolçu baxışdan keçib.

Lənkəran təmsilçisi 6 sınaq oyunu keçirib, onların 4-də məğlub olub, 1-də qalib gəlib, 1-ni də heç-heçə ilə bitirib. Daha dəqiq, "Xəzər Lənkəran" Qazaxıstanın Superliqa təmsilçisi "Atırau" klubuna 1:2, Türkiyənin Superliqa təmsilçisi "Kasımpaşa" klubuna 1:4, Ukrayna Premyer Liqasında oynayan Luqansk "Zarya"sına 1:3 və bu ölkənin 1-ci divizion təmsilçisi olan Odessa "Çernomorets"inə 2:3 hesabı ilə uduzub.

Ukrayna Premyer Liqasının təmsilçisi "Krivbass" üzərində isə "Xəzər Lənkəran" bu toplanış zamanı yeganə qələbəsini qazanıb (1:0). Ukraynanın yüksək dəstəsində oynayan "Metallurq" (Zaporojye) ilə qarşılaşma isə 1:1 hesabı ilə yekunlaşıb.

"Xəzər Lənkəran"ın Antalya toplanışı çərçivəsində keçirdiyi oyunlarda yüksək nəticələr qazana bilməməsi komandanın demək olar ki, tam yenidən qurulub komplektləşdirilməsi ilə bağlıdır. Belə ki, sadalanan yoldaşlıq görüşlərində məşqçilər klubda baxışda olan futbolçuların hamısına şans verib onları müxtəlif mövqelərdə sınayıb. Bu baxışlar nəticəsində "Xəzər Lənkəran"ın heyəti cavan və perspektivli futbolçular hesabına gücləndirilib.

Qeyd etmək lazımdır ki, bu gün Bakıya yalnız klubun yerli heyəti qayıdacaq, legionerlər isə Antalyadan vətənlərinə yollanacaqlar. "Xəzər Lənkəran" tam tərkibdə fevralın 3-də Bakıda toplaşacaq. Bir gün sonra isə komanda Lənkərana yollanaraq, fevralın 13-də keçiriləcək "Neftçi" – "Xəzər Lənkəran" qarşılaşmasına hazırlaşacaq.

Qeyd edək ki, "Xəzər Lənkəran" vətənə baş məşqçi Mirça Redniksiz qayıdıb. Rednik son transfer məsələlərini həyata keçirmək üçün Rumıniyada qalmalı olub.


Son xəbərlər
28.12.25  13:50

İsko 1 ay oynamayacaq