Daha iki klubdan "İnter"ə təbrik

Daha iki klubdan "İnter"ə təbrik
XƏBƏR 23 Yanvar 2011 / 23:23 1976
-  A +

"Neftçi" və "Qarabağ" klubları Bakının "İnter" komandasını "Birlik Kuboku"nu qazanması münasibətilə təbrik ediblər. Qol.Az-ın məlumatına görə, bu barədə hər iki klubun rəsmi saytında bildirilir.

"Neftçi"nin açıqlamasında 3-cü dəfə "Birlik Kuboku"nu Azərbaycana "İnter"in qazandırdığı xatırlanır: "Fərəhli haldır ki, bu mükafata Azərbaycan klubları arasında ilk dəfə "Neftçi" layiq görülüb. "İnter"in budəfəki yarışda qazandığı nailiyyət bütün idmansevərlər kimi, "Neftçi" rəhbərliyini də sevindirir. Bu uğur klublarımızın beynəlxalq miqyaslı turnirlərdə ölkəmizi layiqincə təmsil etdiyini göstərir. Son vaxtlar həm yığma, həm də klub səviyyəsində bir çox nailiyyətlər əldə etmişik. Təbii ki, qazanılan uğurlar AFFA rəhbərliyi tərəfindən aparılan məqsədyönlü fəaliyyətin məntiqi nəticəsidir. AFFA-nın gördüyü işlər beynəlxalq futbol federasiyaları tərəfindən də yüksək qiymətləndirilir. "Birlik kuboku"nun finalında "İnter"i dəstəkləyənlər arasında "Neftçi"nin azarkeşləri də olub. Başda "Neftçi" PFK-nın prezidenti Sadıq Sadıqov olmaqla, "İnter" klubunu "Birlik kuboku"nu qazanması münasibəti ilə təbrik edir".

"Qarabağ" klubunun kollektivi isə "İnter"ə ölkəmizin adını beynəlxalq arenada daim uğurla təmsil etməyi və uğurlarının daimi olmasını arzulayıb.


Son xəbərlər