Emin Cəfərquliyev MOİK-də debüt etdi. Növbədə kimdir?

XƏBƏR 21 Yanvar 2011 / 19:28 2709
-  A +

Mərkəzi Ordu İdman Klubu həqiqi hərbi xidmətdə olan Azərbaycanın 21 yaşlılardan ibarət yığmasının üzvü Emin Cəfərquliyevi sıralarına cəlb edib. Klubun mətbuat xidmətindən Qol.Az-a verilən məlumata görə, o, artıq, AZAL-ın əvəzedici heyəti ilə görüşdə debüt də edib.

MOİK-in 2:0 hesablı qələbəsi ilə yekunlaşan matçdan sonra MOİK-in baş məşqçisi Ramil Əlyev Cəfərquliyevin oyunu və komandada yeniliklər barədə MOİK-in baş məşqçisi Ramil Əliyev bunları deyib: “Emin Cəfərquliyev birinci hissədə mübarizə apardı. Onun, eləcə də ilk hissədə çıxış edənlərin hamısının oyunu məni razı saldı. İkinci hissədə forma geyinənlərin bəzilərindən razı, bəzilərindən isə narazı qaldım. Komandamızda baxışda olanlarla bağlı sabahkı məşqdən sonra qərar veriləcək. Eminə gəlincə, ilk oyunu olmasına baxmayaraq, o, ümumi ansamblda yaxşı təsir bağışlayırdı. Yəni, Cəfərquliyev ümidləri doğrultdu. İstənilən halda, heyətdə gənc futbolçulara yer verəcəyik. Məqsədimiz həm Azərbaycan futbolunun inkişafına töhfə vermək, həm də Premyer Liqada qalmaqdır”.

Məlumatda bildirilir ki, həqiqi hərbi xidmətdə olan Nizami Hacıyev və Bəxtiyar Soltanovun da yaxın günlərdə MOİK-in sıralarına qoşulacağı gözlənilir. “Hərbçilər” növbəti yoxlama matçına yanvarın 25-də çıxacaqlar.


Son xəbərlər