"Toplu Bakı" "ilin idman jurnalı" diplomu ilə təltif olundu

"Toplu Bakı" "ilin idman jurnalı" diplomu ilə təltif olundu
XƏBƏR 21 Yanvar 2011 / 15:35 2542
-  A +

"Bakı" futbol klubunun gənc və yeniyetmə futbolçular üçün nəşr etdirdiyi "Toplu Bakı" jurnalı Azərbaycan İdman Jurnalistləri Assosiasiyasının (AİJA) fəxri diplomu ilə təltif olundu. Qol.Az-ın məlumatına görə, klub bazasının ziyarət edən AİJA prezidenti Eldar İsmayılov "İlin idman jurnalı" diplomunu "Toplu Bakı" dərgisinin baş redaktoru, tarix elmləri ü.f. doktoru Nail Əliyevə təqdim etdi.

Jurnalist təşkilatının rəhbəri "Toplu Bakı" jurnalının ölkə məkanında bir yenilik olduğunu, tərtibat və məzmun baxımından fərqləndiyini bildirərək, seçimin təsadüfi olmadığını söylədi:

"İlin uşaq jurnalının seçimi zamanı "Bakı" futbol klubunun nəşr etdirdiyi "Toplu Bakı" dərgisinin fəaliyyəti və yenilikçiliyi həlledici rol oynadı. Bu jurnal gənc nəslin formalaşmasında, vətənpərvərlik hisslərinin aşılanmasında müstəsna rol oynayır. "Toplu Bakı" jurnalına gələcək fəaliyyətində uğurlar arulayırıq. İnanırıq ki, cəmi 1 yaşı olmasına baxmayaraq böyük oxucu auditoriyası qazanan dərgi daha da inkişaf edəcək, uşaq və gənclərimizin düzgün istiqamətləndirilməsi sahəsindəki rolunu sonadək davam etdirəcək".

Jurnalın baş redaktoru Nail Əliyev verilən yüksək qiymət səbəbi ilə AİJA prezidentinə təşəkkürünü bildirdi:

"Jurnalımızın belə bir diploma layiq görülməsi bizim üçün xoş bir sürpriz oldu. "Toplu Bakı" ölkəmizdə və MDB məkanında bir ilk olmaqla bərabər, digər dərgilərdən fərqlənən jurnaldır. "Toplu Bakı" idman hərəkatına dəstək verməklə yanaşı, ideoloji baxımdan dövlətçilik, idman siyasətinin təbliği, gənc nəslin maarifləndirilməsi sahəsində fəaliyyətini davam etdirəcək. Əsas məqsədimiz sağlam, savadlı, vətənpərvər nəsil yetişdirməkdir.


Son xəbərlər