Serbiyalı qapıçı "Qarabağ"da

Serbiyalı qapıçı "Qarabağ"da
XƏBƏR 19 Yanvar 2011 / 17:10 2527
-  A +

Ağdamın "Qarabağ" klubu Antalyada təlim-məşq toplanışını davam etdirir. Qol.Az-ın məlumatına görə, bu günün proqramında komandanın 2 məşqi nəzərdə tutulub. Yerli vaxtla saat 10:30-da baş tutan komandanın ilk məşqi saat yarım davam edib.

Ənənəvi olaraq isinmə hərəkətlərinin ardından 3 qrup halında "kvadrat" oynanılıb. Sonra isə günün əsas çalışması baş tutub. 2 qrupa bölünən futbolçular meydanın 2 hissəsində fərqli maneələri aşaraq sonda zərbə üzərində işləyiblər. Beləliklə, ilk məşq beləcə başa çatıb. Günün ikinci məşqi isə 16:45-ə nəzərdə tutulub.

Bu gün komandanın heyətinə bir futbolçu qatılıb. Daha dəqiq desək, qolkiper sıralarımızda baxışdan keçəcək. Bojan Pavloviç serbiyalıdır. 24 yaşlı qolkiper Serbiyanın ən ünlü komandası "Srvena Zvezda"nın üzvüdür. 186 sm boya mailk qapıçı haqqında yaxın günlərdə qərar veriləcək.
 

 


Son xəbərlər