Namiq Yusifov 39 dərəcə qızdırma içində

Namiq Yusifov 39 dərəcə qızdırma içində
XƏBƏR 17 Yanvar 2011 / 01:25 2260
-  A +

Ağdamın "Qarabağ" klubunun Turkiyənin Antalya şəhərində keçirdiyi təlim-məşq toplantısında bir neçə futbolçu tam qüvvə ilə hazırlaşa bilmir. Qol.Az-ın klubun rəsmi saytına istinadən məlumatına görə, ilk gündən etibarən Rəşad Kərimov komandadan ayrı məşq edir.

 

Yarımmudafiəçi "Qarabag"ın fizioterapevti Oktay Gürsoyun nəzarətində çalışır. Gürsoyun sözlərinə görə, "Muğan"la Unibank Premyer Liqası matçı ərəfəsində Kərimovun sol baldır əzələsində 1,5 sm yırtıq əmələ gəlib. Buna görə də o, həmin vaxtdan etibarən komandadan ayrı düşüb. Son 1 həftəni ancaq qaçmaqla, müəyyən gücləndirici hərəkətlər yerinə yetirməklə məşğul olub. Kərimov 1 həftə sonra komanda ilə məşqlərə başlayacaq.

`

Son məşqdə eyni zamanda Maksim Medvedyev və Rauf Əliyev də iştirak etməyib. Gürsoy bildirib ki, Medvedevin sol ayaq əzələsində, Əliyevin isə qasığında müəyyən problemlər var. Amma hər iki zədə ciddi deyil. Əliyev yanvarın 17-dən etibarən məşqlərə başlaya bilər. Amma Medvedevin bir neçə gün istirahətə  ehtiyacı var.

 

Avqustda zədələnərək uzun muddət sıradan çıxan Əfran İsmayılov isə bu təlim-məşq toplanışında komanda ilə çalışmalara başlayıb. Amma bəzən İsmayılov komandadan ayrı da çalışır. Gürsoyun fikrincə, artıq futbolçunun tam gücü ilə məşq etməsi üçün heç bir problem yoxdur: "Düzdür, arada məşqçilər heyəti ona güc düşməməsi üçün yükləmək istəmirlər. Amma artıq Əfran tam hazırdır".

 

Son məşqdə eyni zamanda xəstələnən Namiq Yusifov da iştirak etməyib: "Namiqin hazırda 39 dərəcə qızdırması var, yataq vəziyyətindədir. Onun tam sağalması üçün 2 günə ehtiyac var".

Daha çox


Son xəbərlər