16:28
Xəbər verdiyimiz kimi, bu gün 21 yaşadək futbolçulardan ibarət komandalar arasında Avro-2025-in seçmə mərhələsinin püşkü atılıb. Püşkün nəticəsinə əsasən, Azərbaycan millisi F qrupunda İngiltərə, Ukrayna, Serbiya, Şimali İrlandiya və Lüksemburq komandaları ilə mübarizə aparacaq.
U-21-in millisinin baş məşqçisi Samir Əliyev Qol.az saytına açıqlamasında püşkatmanı dəyərləndirib. O deyib: “Düşünürəm ki, daha münasib rəqiblər düşə bilərdi. Püşkatmada özüm də iştirak etdim. Güclü rəqiblərlə dolu olan qrupdayıq”.
Samir Əliyev U-21 millimizin hazırkı vəziyyətindən narahatlıq ifadə edib: “Püşkatmada rəqiblərin kimliyindən daha çox məni narahat edən əsas məqam heyətimizdə Premyer Liqada çıxış edən futbolçularımızın olmamasıdır. İstərdik ki, orada oynayan futbolçularımız çox olsun. Ona görə də yalnız bu halda rahat danışa bilərik. Futbolçularımızın sayının az olması bizi ehtiyatlı danışmağa vadar edir. Bununla belə, hər bir rəqibə qarşı layiqli mübarizə aparacağıq. İstənilən rəqibə qarşı oynamaq mümkündür. Bunu heyət vasitəsilə müəyyən edəcəyik. Həmin vaxt futbolçularının hansı formada olmasından da çox şey asılı olacaq. Burada oyunların ardıcıllığı da önəmlidir. Bizim İrlandiya və İngiltərə milliləri ilə ardıcıl 2 səfər matçımız var. Bu oyunlar arasında cəmi 2 gün vaxtımızın olması bizə çətinliklər yarada bilər. Ümumi götürdükdə, bacardığımızı edəcəyik”.
Baş məşqçi qrupdakı şansları barədə suala belə şərh verib: “Bu haqda danışmaq istəmirəm. Hansı şanslar? Şans həmişə var. Amma reallığı da unutmamalıyıq. Bu gün bizim ümidimiz 5-ci yerdir. Qrupda 2-ci yeri tutub Avropa çempionatına vəsiqə qazanmağımız reallıqdan uzaqdır. Hər bir halda bütün rəqiblərə qarşı çalışıb layiqli mübarizə aparacağıq”.
Azad Nuriyev
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
Fransa klubunda baş məşqçi ayrılığı
"Bayer"lə yeni müqavilə bağladı - Rəsmi
AFFA İntizam Komitəsinin qərarları
Noyer ÇL antirekordunu təkrarladı
AFFA-nın vitse-prezidenti "Nou Kamp"dakı oyuna təyinat aldı
