"Anji"nin növbəti hazırlıq planı məlum oldu

"Anji"nin növbəti hazırlıq planı məlum oldu
XƏBƏR 13 Yanvar 2011 / 02:13 1653
-  A +

Azərbaycan milli komandasının futbolçusu Mahir Şükürovun çıxış etdiyi Rusiyanın "Anji" klubunun növbəti iki təlim-məşq toplantısının tarixi açıqlanıb. Qol.Az-ın klubun rəsmi saytına istinadən məlumatına görə, hazırda Mahaçqala təmsilçisinin bazasında keçirilən hazırlıq prosesi yanvarın 17-dək davam edəcək.

Bundan sonra futbolçulara yanvarın 20-dək istirahət veriləcək. Ertəsi gün komanda Türkiyənin Antalya şəhərinə yollanacaq. "Papillon Zeugma" otelində qalacaq "Anji" 6 yoldaşlıq matçı keçirəcək. Baş məşqçi Hacı Hacıyevin komandası yanvarın 23-də "Poloniya" (Polşa), yanvarın 27-də "Metallurq" (Donetsk, Ukrayna), fevralın 3-də "Zeta" (Çernoqoriya), fevralın 5-də isə "Dyor" (Macarıstan) ilə üz-üzə gələcək. Yanvarın 28-də və fevralın 1-də keçiriləcək görüşlər üçün rəqib hələ müəyyənləşməyib. Toplanış fevralın 5-də yekunlaşacaq.

"Anji"nin ikinci hazırlıq prosesi də Türkiyədə keçiriləcək və fevralın 11-dən 23-dək davam edəcək. Bu müddətdə komanda fevralın 13-də, 17-də, 21-də və 23-də olmaqla 4 görüşə çıxacaq.

Qeyd edək ki, yanvarın 21-də start götürəcək təlim-məşq toplantısında daha bir həmyerlimiz Vaqif Sadıqov da iştirak edəcək. Sadıqov həmin gün "Anji"nin böyük məşqçisi kimi komandaya təqdim olunacaq.

Daha çox


Son xəbərlər