Kiyev “Dinamo”sunda azərbaycanlı futbolçu

Kiyev “Dinamo”sunda azərbaycanlı futbolçu
XƏBƏR 10 Yanvar 2011 / 16:37 2757
-  A +

Ukrayna milli komandasının və Rusiyanın “Lokomotiv” (Moskva) klubunun əslən azərbaycanlı futbolçusu Aleksandr Əliyev yanvarın sonlarınadək Kiyev “Dinamo”suna keçəcək. Qol.Az-ın “Sovetskiy Sport”a istinadən verdiyi məlumata görə, 25 yaşlı yarımmüdafiəçinin transfer məbləği ilə bağlı iki klub arasında anlaşma əldə olunub.

Əliyevin özü də “Dinamo”nun təklif etdiyi şəxsi müqavilə şərtlərindən razı qalıb. Hazırda o, “Lokomotiv”lə birgə Türkiyədə təlim-məşq toplantısındadır. Lakin Moskva və Kiyev klublarının rəhbərliyi yekun razılığa gələn kimi futbolçu köhnə-yeni komandasına qoşulacaq.

Qeyd edək ki, bir il öncə “Lokomotiv”ə keçənədək Aleksandr Əliyev “Dinamo”da çıxış edib. O, 2002-ci ildən Kiyev komandasının formasını geyinib. Ötən çempionda Əliyev “Lokomotiv”in heyətində 25 oyuna çıxıb və 14 qol vurub.

Daha çox


Son xəbərlər