Bundesliqanın ən yaxşı futbolçusu türk oldu

Bundesliqanın ən yaxşı futbolçusu türk oldu
XƏBƏR 5 Yanvar 2011 / 16:22 1856
-  A +

Almaniyanın Dortmund “Borussiya”sının və Türkiyə milli komandasının futbolçusu Nuri Şahin Bundesliqada ilk yarının ən yaxşı oyunçusu seçilib.
Qol.Az-ın “trt.net.tr” saytının Azərbaycan versiyasına istinadən verdiyi məlumata görə, Nuri üçün mükafatı daha da önəmli hala gətirən rəqibləri tərəfindən təqdir edilməsi olub.

Çünki “Kicker”in ənənəvi sorğusunda liqada oynayan futbolçular səs verir. Almaniya çempionatında oynayan Dortmund “Borussiya”sı mövsümün ilk yarısını ən yaxın rəqibindən 10 xal öndə lider qismində başa vurub. Komandanın bu uğurunda ən önəmli payın Şahinə məxsus olduğu bildirilir. Gənc futbolçu 17 oyunda 4 qol vurub, 6 məhsuldar ötürmə verib.

Nurinin uğuru məşhur “Kicker” dərgisinin ənənəvi sorğusunda da əksini tapıb. Bundesliqada oynayan 286 futbolçunun səsləri ilə ilk yarının ən yaxşıları müəyyənləşib. Şahin səslərin 1/3-ini alıb.

Daha çox


Son xəbərlər