Bu gün Qol.Az saytında «İnter» və «Standard» klublarının rəsmi internet saytlarının başlanğıc səhifəsinin doğma Azərbaycan dilində deyil, rus dilində olmasıyla bağlı yazısına «İnter» klubu operativ reaksiya verib. Əvvəlcə bununla bağlı «İnter»in rəsmi səhifəsində çıxan xəbəri olduğu kimi, nöqtəsinə-vergülünə toxunmadan dərc edirik:
«Bu gün bəzi hörmətli müstəqil idman portallarında "İnter" PİK-in ünvanına əsası olmayan ciddi ittiham irəli sürülüb. İddia edilir ki, guya "İnter" PİK-in rəsmi saytı rus dilində açılır. Klubumuza aid belə yanlış məlumatı portallarında bir daha yerləşdirməmələri üçün hörmətli araşdırmaçılara bir neçə məsləhət verməyi özümüzə borc bilirik.
Birinci mərhələdə "www" yazın, sonra "." işarəsini qoymağı yaddan çıxartmayın. İkinci mərhələ bir qədər sadədir, yəni "." işarəsindən sonra "inter" sözünü yazmaq lazımdır. Üçüncü mərhələdə yenə "." işarəsini yazmaq lazım gələcək.
Sonuncu dördüncü mərhələdəsə "." işarəsindən sonra "az" sonluğunu, daha doğrusu domenini yazmaq tələb olunur.
Bütün bu mərhələləri keçdikdən sonra saytın Azərbaycan dilində açılmasının şahidi olacaqsınız».
Biz və bizim xahişimizlə digər dostlarımız «İnter»in saytındakı bu dəyərli məsləhətlərə əməl edib www.inter.az ünvanına bir daha daxil olduq. Bu dəfəki mənzərə isə lap qəribə və məzəli idi: bu dəfə «İnter»in başlanğıc səhifəsi qarşımıza… ingilis dilində çıxdı. «İnter»dən bir neçə məsləhət» adlı xəbəri çıxmaq şərtiylə bütün məlumatlar ingilis dilindəydi. Doğrusu, ilk əvvəl səhvə yol verdiyimizi düşündük. Bu dəfə ayrı-ayrı kompüterlərdən sayta daxil olduq. Amma nə qədər etsək də, nə qədər çalışsaq da, «İnter»in başlanğıc səhifəsində Azərbaycan versiyasına rast gəlmədik ki, gəlmədik: qarşımıza saytın ya ingilis, ya du rus versiyaları çıxdı.
Biz «İnter»in rəsmi səhifəsində çıxan məlumatdan komandanın bolqarıstanlı prezidenti Georgi Nikolovun xəbəri olduğuna qətiyyən şübhə etmirik. Bu mənada, belə çıxır ki, məhz Nikolovun tapşırığı və ya razılığı ilə «İnter»in rəsmi saytı öz «dəyərli» məsləhətində bizə İnternet saytına necə daxil olmağın yolunu öyrətmək, bir az da kobud desək, azərbaycanlı jurnalistlərə ağıl vermək eşqinə düşüb.
Biz sizin məsləhətinizə qulaq asdıq, amma özümüz qətiyyən məsləhətçi iddiasına düşmək niyyətində və həvəsində deyilik. Sadəcə, bu yazının sonunda iki şəkli dərc etməklə özünüzün bizə verdiyiniz faktı ortaya qoyacağıq. Qoy, oxucu da «İnter»in saytındakı «düzəliş»in şahidi olsun və kimin məsləhətə daha çox ehtiyacı olduğuna özü hökm versin…
Qol.Az
"Ağdaş"dan qələbə
“Bir neçə məşqçi ilə danışıqlar gedir” - AFFA-dan açıqlama
"Füzuli" Göygöldə 3 xalı belə qazandı - Video
Kosta 100-dən çox insanı xilas etdi
"Şahdağ Qusar"ın 4 qolu - Video
İkiqat Avropa çempionu müharibədə həlak oldu
Tiaqo Silvanın yeni klubu rəsmiləşdi
"Şahdağ Qusar"dan darmadağın, "Füzuli" qalib gəldi
Şehiç milli karyerasını başa vurdu
Acun "Hall Siti"nin baş məşqçisini istefaya göndərdi
Poqba komediya filminə çəkildi
Futzal üzrə Azərbaycan kubokunun qalibi bəlli oldu
İngiltərə klubunun şikayəti rədd edildi
"Atletiko" Poçettino ilə danışıq aparır
"Real" - “Bavariya” oyununa hakim təyinatları açıqlandı
Luis Enrikedən iddialı açıqlama
U-17 millisi Türkiyəyə böyük hesabla uduzdu
"İnter"dən Lautaro Martinesin gələcəyi ilə bağlı açıqlama
"Səbail"in legioneri səhvi hakimdə yox, özlərində görür
"Bavariya" yeni mövsüm formasını təqdim etdi - Şəkil