Sxadadze: “Bakı” ilə qarşılaşma çox vacib idi, lakin “Gəncə” ilə matç daha mühümdür”

XƏBƏR 22 Dekabr 2010 / 14:36 1645

- A +

“İnter”in baş məçqçisi Kaxaber Sxadadze klubun rəsmi saytına müsahibəsində “Bakı” ilə oyununun təhlilini aparıb və qarşıdan gələn “Gəncə” ilə matça toxunub.

- Bakı” ilə matçda yaxşı futbol sərgiləmək mümkün oldu və üç uğursuz oyundan sonra komanda, nəhayət ki, qələbə qazandı...
- Biz rəqibin oyununu uzun müddət analiz etdik və düşünürəm ki, bu faktor qələbə qazanmağımızda az rol oynamadı. Futbolçular oyunda tapşırıqlarını çox ciddi şəkildə yerinə yetirdilər. Birinci hissədə baş vermiş bəzi xətaları saymasaq, oyunun mənzərəsindən razı qaldım. Uşaqlar savadlı oynadılar. Bizim üçün də, “Bakı” üçün də bu oyun çox vacib idi. Yaxşı futbol sərgilədiyimizə baxmayaraq, biz ardıcıl üç turda qələbə qazana bilmirdik və bu baxımdan qələbə bizim üçün vacib idi. Birincisi, psixoloji planda özünəinamı yenidən qaytarmaq üçün qələbə lazım idi. Mən şadam ki, çoxdan gözlənilən qələbə baş tutdu.
Bu qarşılaşmanın daha bir xüsusiyyəti ondan ibarət idi ki, biz hesabda geridə olduğumuz halda görüşün gedişatını dəyişdirməyi bacardıq və iradi qələbə qazandıq. Ötən mövsüm bizim kifayət qədər dönüş matçlarımız olmuşdu, lakin bu, ilk dəfədir baş verir. İradi qələbələr ikiqat vacibdir və ilk növbədə psixoloji planda mühümdür.
Məni sevindirən daha bir xüsusiyyət ondna ibarətdir ki, belə bir mürəkkəb ilin sonunda komandamız funksionallığını saxladı, 90 dəqiqəni eyni tempdə keçirməyi bacardı. Bu isə komandanın yaxşı fisiki hazırlığından, onun yüksək fiziki kondisiyalarından xəbər verir. Son 25 dəqiqə biz hərəkətdə “Bakı”nı üstələdik. Bütün bu aspektlər belə deməyə əsas verir ki, “İnter”in böyük potensialı var. Sadəcə, elə etmək lazımdır ki, potensial öz əksini həmişə komandanın nəticələrində tapsın.
- Birinci mövsümdə “Gəncə” “İnter”ə qalib gəlməyi bacarmışdı. Aydındır ki, qarşıdakı oyun sadə matçlardan biri olmayacaq...
- Əlbəttə. Qeyd etmək yerinə düşərdi ki, “Bakı” ilə qarşılaşma, əlbəttə, çox vacib idi, lakin “Gəncə” ilə keçiriləcək qarşılaşma daha mühümdür. Ona görə ki, ötən şənbə əldə etdiyimiz nəticəni gücləndirmək lazımdır. “Gəncə” kifayət qədət tipik ev komandasıdır. Orada yaxşı futbolçular var. Onların hücum xətti xüsusilə fərqlənir, bunu biz hələ ilk matçda hiss etmişdik. O zaman ilk 10 dəqiqə ərzində qapımız qarşısında bir neçə qol vəziyyəti yaratmışdılar ki, nəticədə bütün bunlar qola çevrildi. Bu, bizi müdafiəyə diqqətlə yanaşmağımıza vadar edir. Ancaq ilk növbədə topu saxlamaq və çox sayda hücum etmək lazımdır.

Daha çox