AZAL-a xəbərdarlıq edildi, Borets cəzalandırıldı

XƏBƏR 21 Dekabr 2010 / 15:43 1702
-  A +

Bu gün AFFA İntizam Komitəsinin iclası keçirilib. Qol.Az-ın PFL-in rəsmi saytına istinadən verdiyi məlumata görə, iclasda çıxarılan qərara əsasən, Unibank Premyer Liqasının XVIII turunun  "Bakı" - "İnter" matçının 80-ci dəqiqəsində "Bakı" klubunun futbolçusu Vadim Borets idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.
"Gəncə" - "Neftçi" matçında "Gəncə" klubunun 4 futbolçusu sarı vərəqə ilə cəzalandığı üçün klub 1000 manat cərimə olunub.
Unibank Premyer Liqasının XVIII turunun "Turan" - "Simurq" matçının 72-ci dəqiqəsində "Turan" klubunun azarkeşləri  tərəfindən meydançaya kənar əşya atıldığı üçün klub 2000 manat cərimələnib.
AZAL - "Qəbələ" matçının 62-ci dəqiqəsində meydançaya kənar şəxs girdiyi üçün oyun dayandırılıbr. Lakin futbolçuların köməkliyi ilə həmin şəxs meydandan çıxarılıb. Analoji hadisənin gələcəkdə baş verməməsi üçün meydançada ictimai təhlükəsliyi gücləndirməsi barədə AZAL klubuna xəbərdarlıq edilib.  
NBC Bank Azərbaycan kubokunun 1/8 finalının "Bakı" - "Muğan" matçında "Bakı" klubunun 4 futbolçusu sarı vərəqə ilə cəzalandığı üçün klub 1000 manat cərimə olunur.


Son xəbərlər