Aftandil Hacıyev «Simurq»a vurduğu qoldan danışdı

XƏBƏR 14 Dekabr 2010 / 13:02 1545
-  A +

«Qarabağ»ın «Simurq»u məğlub etməsi bir sıra amillərlə əlamətdar olsa da, oyuna 2-ci hissədə daxil olan müdafiəçiz Aftandil Hacıyevin qol vurması da diqqəti cəlb etdi. Cari mövsüm 3-cü dəfə meydana çıxan Aftandil qol vurmaqla yanaşı əla oyunuyla da yadda qaldı.
«Təbii ki, komandamızın qələbəsi daha önəmlidir. Admir Telinin zədələnməsindən xəbərim yox idi. Müşfiq müəllim fasilənin sonuna yaxın mənə yaxınlaşdı ki, tez hazırlaş. Oyuna girərkən Qurban müəllim məni təcili təlimatlarını verdi. İlk andan öz oyunumu oynamağa çalışdım. Çempionatın 2-ci turunda MOİK-lə oyundan sonra zədələnmişdim. Zədəmi sağaltdıqdan sonra «forma» yığmağa vaxt lazım idi. Baş məşqçimiz özü hər şeyi görürdü. Öz üzərimdə daim çalışıb vaxtımı gözləyirdim Komandamıza mütləq olaraq qələbə lazım idi. Ona görə də təbii ki, qol vurmalıydıq. Qol vurulan epizodda standart vəziyyətdən sonra geri qayıtmadım. Cərimə meydançasında gözlədim. Nə deyə bilərəm? Yəqin, qismətimdə qol vurmaq varmış. Komandamız üçün qələbə çox vacib idi. Əsas odu ki, qələbə qazanaraq «6»lıqda qaldıq». - deyə A.Hacıyev klubun rəsmi saytına bildirib.


 


Son xəbərlər