UEFA milli komandada yüz oyun keçirən futbolçulara mükafat verəcək

XƏBƏR 10 Dekabr 2010 / 20:47 1805
-  A +

Bundan sonra Avropanın ən ali futbol qurumu olan UEFA öz ölkələrinin milli komandalarında 100 oyun keçirən futbolçulara mükafat verəcək. Qol.Az-ın qurumun rəsmi saytına istinadən yaydığı xəbərə görə, bununla bağlı qərar UEFA İcraiyyə Komitəsinin bu gün Çexiyanın paytaxtı Praqa şəhərində keçirilən iclasında qəbul olunub. Belə bir qərarın verilməsi ölkələrdə futbol üzrə milli komandaların nüfuzunun daha da artmasına xidmət edir.
Bu qərar həmçinin milli komandalarında bunadək 100 oyun keçirmiş futbolçulara da şamil ediləcək. UEFA mükafatla bağlı yaxın günlərdə ətraflı məlumat verəcəyini açıqlayıb.
Qeyd edək ki, Azərbaycan milli komandasında hələlik yüz oyun keçirən futbolçu yoxdur. Veteran futbolçularımızdan olan Aslan Kərimov 70 dəfədən, onun ən yaxın izləyicisi olan millimizin kapitanı Rəşad Sadıqov isə 60 dəfədən çox yığmamızın oyununda meydana çıxıb.


Son xəbərlər