Qalmaqallı hakim yenə «Qarabağ»ın oyununda

Qalmaqallı hakim yenə «Qarabağ»ın oyununda
XƏBƏR 10 Dekabr 2010 / 13:11 1957
-  A +

Unibank Premyer Liqasının qalmaqallı hakimlərindən olan Əfqan Həmzəyev növbəti dəfə «Qarabağ»ın oyununu idarə edəcək. Qol.Az-ın məlumatına görə, sabah «Simurq»a qarşı Zaqatalada keçiriləcək oyuna Əfqan Həmzəyev təyinat alıb.
Xatırladaq ki, Ə.Həmzəyev hələ ötən mövsümün əvvəlində, 2009-cu ilin sentyabr ayında Zaqatalada keçirilən «Simurq» - «Qarabağ» oyununu idarə etmişdi. Yerli komandanın 1:0 hesablı qələbəsilə başa çatan qarşılaşmadan sonra «Qarabağ» klubunun rəsmi saytı Əfqan Həmzəyevin idarəçiliyindən kəskin narazılığını ifadə edərək hakimin ünvanına sərt ittihamlar səsləndirmişdi. Adətən, hakimlər haqda tənqidi fikirlər səsləndirməyən Ağdam klubunun baş məşqçisi Qurban Qurbanov da Əfqan Həmzəyevdən narazılığını dilə gətirmişdi.
İndi Əfqan Həmzəyev növbəti dəfə Zaqatalada keçiriləcək «Simurq»la «Qarabağ»ın oyununa təyinat alıb.
Görəsən, budəfəki qarşılaşmadan sonra necə, yenə həmin olaylar təkrarlanacaqmı?


Son xəbərlər