Almanlardan Hiddinkə kəskin etiraz

Almanlardan Hiddinkə kəskin etiraz
XƏBƏR 29 Noyabr 2010 / 17:15 1802
-  A +


Almanya birinci futbol liqasında çıxış edən “Frayburq” klubunun baş məşqçisi Robin Datt  həftə sonu “Hannover”ə qarşı oynadıqları və 0:3 hesabı ilə məğlub olduqları oyunda Türkiyə milli komandasının çalışdırıcısı Quus Hiddinkin Ömər Toprakı izləməsinə sərt reaksiya verib. Qol.Az-ın məlumatına görə, Datt futbolçunun rahat buxarılmasının vacib olduğunu bildirərək daha sonra bunları əlavə edib: “Ömər iki futbol ölkəsinin oyuncağı olacaq. O, milli komandaya dəvət almazdan əvvəl klubunda daha inamlı çıxış etməlidir. Bunun üçün də təxminən 4-5 il lazımdır”.
Futbolçunun özü isə məsələ ilə bağlı bunları deyib: “Hiddinkin mənim oyunumu izləməsilə bağlı heç nə deyə bilmərəm. Çünki bu, məni heç maraqlandırmır. Hazırda bütün diqqətimi “Frayburq”un uğurlarına yönəltmişəm. Türkiyə və ya Almaniya milliləri arasındakı seçimim haqda isə yaxın zamanlarda qərar verməyəcəm”.
Qeyd edək ki, Hiddink ilə birlikdə köməkçisi Oğuz Çətinin də izlədiyi Ömər “Frayburq”un matçında öz oyunu ilə fərqlənə bilməyib.


Son xəbərlər