21:32
Azərbaycan milli komandasının futbolçusu Əfran İsmayılov “Qarabağ” klubu ilə 2011-ci il mayın 31-də başa çatacaq müqaviləsini uzadıb. Bu haqda Lent.az-a 22 yaşlı yarımmüdafiəçinin özü məlumat verib.
Onun sözlərinə görə, yeni müqavilənin müddəti 2 illik, daha dəqiqi 2013-cü il mayın 31-dək nəzərdə tutulub. İsmayılov bildirib ki, hazırkı sövdələşmə əvvəlkindən daha sərfəlidir. Lakin digər klubların təklif etdiyi məbləğ bundan da böyük olub. Gənc futbolçu isə məhz baş məşqçi Qurban Qurbanova görə “Qarabağ”da qalmağa razılıq verib: “Mənim üzərimdə Qurban müəllimin böyük əziyyəti olub. Onun əməyini yerə vurmaq istəmədim. Bu səbəbdən, digər klubların daha sərfəli təkliflərini rədd edərək, hazırkı komandamda qalmağı məqsədəuyğun saydım”.
Lakin İsmayılov xarici klublardan təklif gələcəyi halda, “Qarabağ”ı tərk edəcəyini söyləyib. Bu isə 2011-ci ilin yayından tez olmayacaq: “Ağır zədədən sonra yenicə məşqlərimi bərpa etmişəm. Meydançalarımızın ot örtüyü da elədir ki, istədiyin kimi hazırlıq keçə bilmirsən. Komandamızın yanvarda Türkiyədə keçirəcəyi təlim-məşq toplantısında tam qüvvə ilə məşq edə biləcəyəm. İnşallah, əvvəlki formamı yığıb, xarici klublardan birində oynamaq istəyirəm. Belə bir təklif gəlsə, “Qarabağ”ı tərk edəcəyim haqda rəhbərliklə razılığa gəlmişəm”.
Qeyd edək ki, “Qarabağ” klubunun aşağı yaş qrupundan yetişən Əfran İsmayılov bu mövsüm Avropa Liqasında 5 qol vurub.
Pelleqrini sıradan çıxdı
Premyer Liqada ən çox qol epizodunu onlar yaratdı
"Real" sabiq futbolçusunu geri qaytarır
Alman klubu "Mançester Siti"nin hücumçusu ilə maraqlanır
Avropada ən çox driblinqi kim edib?
İngiltərə klubunun sabiq futbolçusu vəfat etdi
"Bornmut"un müdafiəçisi nəhəng klubların hədəfində
"Difai"nin 5 qollu qələbəsindən - Video
Keyn, Haaland, Mbappe...
"Fənərbaxça" Şimanski ilə sağollaşır?
"Barselona" İngiltərə klubunun futbolçusuna göz dikdi
Mbappe də Mərakeşə yollanır
"Turan Tovuz"un qış hazırlıq planı müəyyənləşdi
"Karvan-Yevlax" legioneri ilə yollarını ayırdı
Maradonanın cırılmış forması rekord məbləğə satıldı
