“Bakı” Gəncəyə 1 itkiylə yollanacaq

“Bakı” Gəncəyə 1 itkiylə yollanacaq
XƏBƏR 4 Noyabr 2010 / 18:45 1945
-  A +

“Bakı” Unibank Premyer Liqasının 12-ci turu çərçivəsində Gəncədə baş tutacaq "Gəncə" - "Bakı" qarşılaşmasının hazırlıqlarının ilk hissəsini başa vurub. Qol.Az-ın paytaxt klubunun rəsmi saytına istinadən məlumatına görə, 12-ci turun oyununda iddialı "Gəncə" klbunun qonağı olacaq "Bakı" hazırlıqların paytaxt hissəsini bu gün klub bazasında keçirdiyi məşqlə başa vurub. Bir istisna olmaqla tam heyətlə çalışan futbolçuların istəkli olduğu diqqət çəkib.
Əsas komandanın məşqlərinə cəlb olunan Rəhman Hacıyev, Hacı Əhmədov, Səbuhi Həsənov bu dəfə səfərə əvəzedici heyətlə yollanıblar. Zədəsi təzələnən Emin Cəfərquliyev isə məşqi kənardan izləmək məcburiyyətində qalıb. Emin, təxminən, 2 həftə yaşıl meydanlardan kənar qalacaq.
Sabah saat 8-də komanda Gəncəyə yola düşəcək. "Bakı" səfər günü bir məşqlə kifayətlənəcək. Həmin məşq saat 15:00-da Gəncə şəhər stadionunda baş tutacaq. Baş məşqçi Vinfrid Şefer intensiv məşqlərdən sonra komandanı taktiki sxemlər üzərində çalışdiracaq.
Xatırladaq ki, adıçəkilən qarşılaşma 6 noyabr 2010-cu il tarixdə (şənbə) saat 14:00-da baş tutacaq.


Son xəbərlər