Almanlar türkləri Türkiyəyə vermək istəmir

Almanlar türkləri Türkiyəyə vermək istəmir
XƏBƏR 4 Noyabr 2010 / 15:45 2039
-  A +

Almaniyada futbol həyatı yaşayan çoxsaylı türk əsilli futbolçular həm Türkiyə, həm də Almaniya tərəfini ayağa qaldırıb. Qol.Az-ın məlumatına görə, Azərbaycana məğlub olduqdan sonra heyətdə köklü dəyişikliklər edəcəyini bildirən Qus Hiddink Almaniyada çıxış edən türk futbolçularla yaxından maraqlanır. Məhz bu amil almanları ciddi şəkildə narahat edir. Belə ki, “Nürnberq”in gənc futbolçusu Mehmet Ekicinin Türkiyə milli komandasında oynamağı qəbul etməsi, onun komanda yoldaşı İlkay Gündoğanın, eləcə də, “Frayburq”da çıxış edən Ömər Toprakın Hiddinkin siyahısında yer alması almanları ayağa qaldırıb. Bu barədə ilk açıqlamanı Almaniya Futbol Federasiyasının idman direktoru Matias Zammer verib. Türklərin futbolçulara təziq göstərdiyini bildirən Zammer bunları söyləyib: “Hiddink Ömər Toprakla yanaşı Almaniyada çıxış edən digər türk əsilli futbolçuları da heyətə qatmaq istəyir. Biz bütün prosesləri diqqətlə izləyirik. Başqa ölkələrin federasiyalarının gənc futbolçularımıza təzyiq göstərdiyi barədə məlumatlar alırıq. Oyunçular seçim məcburiyyətində qalırlar. Onlara “bizi seçsən, yaxında əsas milli komandaya dəvət alacaqsan” şəklində sözlər verilir. Futbolçularımızla söhbət etməyə çalışırıq, ancaq hər həftə danışmağa imkan tapa bilmirik. Əgər bir futbolçumuz başqa bir ölkənin milli komandasında çıxış etmək istəyərsə, bunu da hörmətlə qarşılayarıq. Biz heç vaxt futbolçulara təzyiq göstərməyəcəyik”.


Son xəbərlər