Ölkə kubokunun iştirakçısı baş məşqçisini 5 oyunluq itirdi

Ölkə kubokunun iştirakçısı baş məşqçisini 5 oyunluq itirdi
XƏBƏR 2 Noyabr 2010 / 13:26 1775
-  A +

Bu gün keçirilən AFFA İntizam Komitəsinin iclasında yenicə start götürən ölkə kubokunun ilk mərhələsinin oyunlarında baş verən olaylara da hüquqi qiymət verilib. Qol.Az-ın məlumatına görə, aparılan müzakirələrdən sonra aşağıdakı qərarlar qəbul olunub:
“Bakılı” – “Neftçi” İSM matçının 60-cı dəqiqəsində “Bakılı”nın futbolçusu Samir Z. Quliyev hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub.
“Şəmkir” – “Rəvan” matçında “Şəmkir”in 5 futbolçusu sarı vərəqə ilə cəzalandığı üçün klub 100 manat cərimə olunub. Oyunun 64-cü dəqiqəsində “Rəvan”ın baş məşqçisi Vladislav Qədirov hakimi təhqir etdiyinə görə meydandan kənarlaşdırıldığı üçün 5 oyunluq cəzalanıb, klubu 500 manat cərimə olunur.
“Karvan” – “MKT-Araz” matçında “Karvan”ın 4 futbolçusu sarı vərəqə ilə cəzalandığı üçün klub 100 manat cərimə olunub.
“Şahdağ” – “Gəncə” matçında “Gəncə”nin 4 futbolçusu sarı vərəqə ilə cəzalandığı üçün klub 1000 manat cərimə olunub. Matçın 86-cı dəqiqəsində “Sahdağ”ın futbolçusu Şıxqayıb Şıxqayıbov aqressiv oyuna görə (rəqibə ayaqla zərbə) birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb, klubu 400 manat cərimə olunub.


Son xəbərlər