“Simurq” “İnter”dən aldığı oyunçuları qovdu

XƏBƏR 2 Noyabr 2010 / 12:28 1839
-  A +

Zaqatalanın “Simurq” klubu “İnter” komandasından mövsümün əvvəlində icarəyə götürdüyü Paulius Paknis, Baçano Tsxadadze və Tofiq Mikayılovla yollarını ayırıb. Qol.Az-ın bölgə təmsilçisinin rəsmi saytına istinadən məlumatına görə, buna hər üç futbolçunun Unibank Premyer Liqasının 11-ci turunda “İnter”lə görüşə çıxmaqdan imtina etmələri səbəb olub: “İnter”dən icarəyə götürülən və hazırda müqavilə ilə “Simurq”a məxsus olan Paulius Paknis, Baçano Tsxadadze və Tofiq Mikayılovla bağlanmış müqavilənin 3.1.1 və 3.1.2-ci maddələrinə əsasən, qeyri-peşəkarlıq göstərərək hazırda məxsus olduqları komandanın formasına hörmətsizlik edərək Unibank Premyer Liqasının X1 turu çərçivəsində "İnter"lə oyuna cıxmaqdan imtina etdiklərinə görə,"Simurq" rəhbərliyinin qərarına əsasən hər üç futbolçu komandadan xaric ediliblər”.
Qeyd edək ki, qovulan futbolçulardan biri – Baçano Tsxadadze “İnter”in baş məşqçisi Kaxaber Tsxadadzenin oğludur. Oktyabrın 26-da 23 yaşını qeyd etmiş oyunçu Unibank Premyer Liqasının birinci dövrəsi ərzində 5 qola imza atıb. “Simurq” - “İnter” matçının qonaqların minimal hesablı qələbəsi ilə nəticələndiyini də qeyd edək.


Son xəbərlər