“Porto” – “Benfika” matçını idarə etmək istəyən hakim tapılmır

“Porto” – “Benfika” matçını idarə etmək istəyən hakim tapılmır
XƏBƏR 29 Oktyabr 2010 / 13:58 1684
-  A +

Portuqaliyalı hakimlər 2011-ci ildən etibarən qüvvəyə minəcək vergi qanunvericiliyinə etiraz etmək üçün tətil etmək qərarına gəliblər. Qol.Az-ın məlumatına görə, hazırda həvəskar sahə olaraq nəzərə alınan hakimlik yeni qanunvericiliyə əsasən peşəkar iş olaraq qəbul ediləcək. Bu isə hakimlərin gördükləri işə görə vergi ödəməsinə səbəb olacaq. Bu qanuna etiraz etdiklərini bildirən hakimlər komitəsinin (APAF) sədri Ruters məsələ ilə bağlı açıqlama verib: “Yeni qanunvericilik hakimləri ciddi şəkildə narahat edir. Portuqaliya dövləti əgər bu qanunun qəbul edilməsi fikrindən daşınmasa, hakimlər noyabrın 6-sı və 7-ində keçiriləcək qarşılaşmalara çıxmayacaqlar”.
Digər tərəfdən Portuqaliya Futbol Federasiyası da hökümətlə danışıqlar apararaq hakimlərin istəyi istiqamətində məsələnin həllinə çalışır. Xatırladaq ki, Portuqaliya üçün böyük önəm kəsb edən “Porto” - “Benfika” qarşılaşması da noyabrın 7-də keçiriləcək. Əgər hadisələr qanunvericiliyin dəyişdirilməsi yönündə davam etsə, hakimlər bu matça da çıxmayacaq və qarşılaşma baş tutmayacaq.


Son xəbərlər