“Maynts”ın oyunçusu ölkəmizdə top qovmaq istəyir

“Maynts”ın oyunçusu ölkəmizdə top qovmaq istəyir
XƏBƏR 28 Oktyabr 2010 / 17:42 2174
-  A +

Hazırda Almaniya Bundesliqasının lideri olan “Maynts” klubunun futbolçusu Preston Zimmermanın Azərbaycandan təklif alması haqqında xəbərlər yayılıb. Qol.Az-ın məlumatına görə, “Maynts” klubunun əvəzedici komandasında çıxış edən 22 yaşlı yarımmüdafiəçi karyerasını ölkəmizdə davam etdirə bilər. Belə ki, Preston alman mətbuatına verdiyi müsahibədə Avropada oynamaq naminə istənilən ölkədə top qovmağa hazır olduğunu bildirib: “Avstriyanı tərk etdikdən sonra ümidsizliyə qapılaraq Türkiyəyə yollandım. Çünki Avropadakı futbol həyəcanından kənar qalmaq istəmirdim. Lakin çox təəssüf ki, mən orada da ehtiyat oyunçular skamyasında qalırdım. Təbii ki, bu da məni heç cür qane etmirdi. Belə bir vəziyyətdə isə Azərbaycandan təklif alacağım heç ağlıma da gəlməzdi”.
Qeyd edək ki, ABŞ-ın 23 yaşadək futbolçulardan ibarət millisinin də üzvü olan Preston 2007/08 mövsümündə “Hamburq”un əvəzedici komandasında çıxış edib. Bu ilin qışında isə klubsuz qalan amerikalı futbolçu həmin vaxt Almaniyaya qayıdıb və “Maynts”ın əvəzedici komandasında oynamağa başlayıb.


Son xəbərlər