“Lakin biz ölkə futbolunun inkişafını daha üstün tutduq”

XƏBƏR 25 Oktyabr 2010 / 18:54 2073
-  A +

Bu gün Peşəkar Futbol Liqası ilə NBC Bank arasında Azərbaycan kubokunun 2010/11 il mövsümünün rəsmi sponsorluğu haqqında müqavilə imzalanıb. Qol.Az-ın məlumatına görə, “Hyatt Regency” otelinin “Bakı” zalında keçirilən imzalama mərasimində çıxış edən Marketinq Departamentinin direktoru Vasif Əliyev maraqlı fikirlərlə diqqət çəkib: “Bu gün PFL ilə müqavilə imzaladığımıza görə çox sevincliyik. Bizim əsas məqsədimiz Azərbaycan futbolunun inkişafına dəstək verməkdir. Hazırda müqaviləyə görə xərcləyəcəyimiz pulla bank olaraq 7 ay müddətində bütün televiziya, qəzet və saytlarda reklamımızı da yerləşdirə bilərdik. Lakin biz ölkə futbolunun inkişafını daha üstün tutduq. Bu turnir ərzində fərqlənmiş ən yaxşı futbolçularla yanaşı, kubok oyunlarını ən yaxşı işıqlandıran mətbuat orqanlarını da mükafatlandıracağıq. Hətta ən yaxşı azarkeşi də seçib, ona hədiyyə vermək fikrindəyik. Təbii ki, burada da əsas məqsədimiz turnirə azarkeş marağını daha da artırmaqdır. İnanıram ki, bu işin öhdəsindən layiqincə gələcəyik”.


Son xəbərlər