"Gəncə" sonadək 11 futbolçu ilə oynasaydı belə, yenə də biz qalib gələrdik"

XƏBƏR 25 Oktyabr 2010 / 17:32 1962
-  A +

Millimizin müdafiəçisi Ruslan Abışov "Gəncə"nin bəzi futbolçularının hakimlərin "Neftçi"yə kömək etdiyini deməsinə münasibət bildirib. Qol.Az-ın məlumatına görə, “ağ-qaralar”ın 6:2 hesabı ilə qalib gəldiyi görüşdə bakılıları meydana kapitan kimi çıxaran Abışov flaqmanın öz gücünə qələbə qazandığını deyib: "Oyun çox gözəl keçdi, uşaqların hamısı meydana yüksək əhval-ruhiyyədə çıxmışdılar. "Gəncə" çox iddialı klubdur, bundan irəli gəlir ki, "Xəzər Lənkaran" kimi güclü komandanı böyuk hesabla məğlub edib. Amma komandamız gözəl oyunla sübüt etdi ki, "Neftçi" elə "Neftçi"dir. Düzdür, rəqibin qırmızı vərəqə alması onların oyunlarına təsir etdi. Lakin "Gəncə" sonadək 11 futbolçu ilə oynasaydı belə, yenə də biz qalib gələrdik. Çünki həmin gün biz rəqibdən güclü idik. İndi isə fikrimizi "Bakı" ilə oyuna yönəltmişik".


Son xəbərlər