Mahirsiz “Anji” güclü rəqibinə məğlub olmadı

Mahirsiz “Anji” güclü rəqibinə məğlub olmadı
XƏBƏR 25 Oktyabr 2010 / 14:33 1733
-  A +

Həmyerlimiz Mahir Şükürovun forma geydiyi Rusiyanın “Anji” klubu Premyer Liqasının son turunda əzmkar oyunu ilə diqqət çəkib. Qol.Az-ın məlumatına görə, Mahirin iştirak etmədiyi oyunda öz meydanında Sank-Peterburqun “Zenit” klubunu qəbul edən Mahaçqala təmsilçisi bu qarşılaşmadan bir xalla ayrılmağa nail olub. Belə ki, oyunun 3-cü dəqiqəsində Yan Holendanın qolu ilə hesabı açan “Anji”nin qol sevinci uzun sürməyib. Hücumlarını davam etdirən “Zenit” matçın 9-cu dəqiqəsində Dani, 40-cı dəqiqəsində isə Konstantin Zryanovun vurduğu qollarla birinci hissəni qalib başa vurub. Fasilədən sonra, daha dəqiq desək, oyunun 64-cü dəqiqəsində Daninin dublu sayəsində 3-1 hesabı ilə irəli keçən “Zenit” bu hesabı sonadək qoruya bilməyib. Matçın 80-ci dəqiqəsində Nikolae Yosan və 90-cı dəqiqədə isə Mikayıl Bakayevin vurduğu qollarla “Anji” hesabı bərabərləşdirərək oyundan bir xalla ayrılıb. Qeyd edək ki, Azərbaycan millisinin əsas futbolçularından olan Mahir səhhətində problem yarandığına görə, “Anji” klubunun rəhbərliyindən icazə alaraq vətənə - ailəsinin yanına qayıdıb.


Son xəbərlər