22:19
Həmyerlimiz Rəşad Sadıqovun forma geydiyi Türkiyənin “Eskişəhərspor” komandası bugün Türkiyə Superliqasında növbəti matçına çıxacaq. Qol.Az-ın verdiyi məlumata görə, Rəşadın komandası turun açılış qarşılaşmasında turnirin debutantlarından olan “Karabükspor”la qüvvəsini sınayacaq. Artıq “Eskişəhərspor” bu matç üçün hazırlıqlarına yekun vurub.
Türkiyə mətbuatı xəbər verir ki, “Eskişəhərspor”un bu günkü qarşılaşma üçün təxmini heyəti də məlumdur. Millimizin kapitanının ötən tur olduğu kimi, bu qarşılaşmada da start heyətində meydana çıxacağı gözlənilir. Rza Çalımbayla yolların ayrılmasından sonra baş məqşçi vəzifəsinə Bülənt Uyğunu təyin edən “Eskişəhərspor” ötən tur doğma azarkeşlər qarşısında qazanılan cari mövsümdəki ilk qələbəyə sevinmişdi. Eskişəhərlilərin minimal hesablı üstünlüyü ilə başa çatan qarşılaşmada Rəşad Sadıqov 90 dəqiqə meydanda qalmış və qələbədə böyük pay sahibi olmuşdu. Qazanılan bu qələbə ilə hesabındakı xalların sayını 6-a çatdırmış “Eskişəhərspor” hazırda turnir cədvəlinin 15-ci pilləsində qərarlaşıb. Rəqib “Karabükspor” isə debutant olmasına baxmayaraq, səkkiz turdan sonra topladığı 14 xalla turnir cədvəlinin 5-ci pilləsində yer alıb. Xatırladaq ki, onlar ötən tur lider “Bursaspor” ilə səfər qarşılaşmasından 1 xalla dönməyi bacarıblar - 2:2. Bu matçda da doğma azarkeşləri qarşısında qələbəyə oynayacaq “Karabükspor”a qarşı “Eskişəhərspor”u çətin mübarizə gözləyir. Bu qarşılaşma üçün “Eskişəhərspor”un təxmini heyəti belədir:
İvesa, Volkan, Nadarevic, Rəşad Sadıqov , Sezgin, Pele, Sezər, Doğa, Ərkan, Batuhan, Adəm.
Türkiyə Superliqası
9-cu tur
22:00. “Karabükspor” – “Eskişəhərspor”
Keyn, Haaland, Mbappe...
"Tottenhem"in kapitanı cəzalı vəziyyətə düşdü
"Fənərbaxça" klubunun prezidenti saxlanıldı
Zidan oğlunu Mərakeşdə tribunadan izlədi
"Ronaldo Portuqaliya yığmasının əvəzolunmaz oyunçusudur"
“Çelsi”nin iki futbolçusu zədəsini sağaltdı
"Marsel"in hücumçusu İtaliya klubuna doğru yol aldı
"Atletiko"dan digər ispan klubuna keçdi
"Mançester Yunayted"də itkilər var
“Fənərbaxça” heyətini ilk onunla gücləndirəcək
“Neftçi” daha bir legioner ala bilər
"Karvan-Yevlax"ın qış hazırlıq planı bəlli oldu
Bu şəhərdə bütün futbol matçları təxirə salındı
İspan klubu “Qarabağ”ın şikayəti əsasında cərimələndi
UEFA “Napoli”ni “Qarabağ”la oyuna görə cərimələdi
"Şimal" və "Bakı Sportinq"dən qələbə, Mingəçevirdə heç-heçə
