22:48
Bu gün 19 yaşadək futbolçulardan ibarət komandalar arasında Avropa çempionatının ilkin seçmə mərhələsi çərçivəsində Azərbaycan yığması ikinci oyununa çıxıb. Qol.Az-ın məlumatına görə, Bakı vaxtı ilə saat 20:00-da başlayan oyunda yığmamızın rəqibi Yunanıstan komandası olub. Lakin təəssüf ki, Bernard Lippertin komandasının bu dəfəki çıxışı uğursuz alınıb.
Halbuki, AÇ-nin ilkin seçmə mərhələsindəki birinci oyununu oktyabrın 11-də qrupumuzun matçlarına ev sahibliyi edən Portuqaliya yığmasına qarşı keçirən, iki qol vurduğu çətin qarşılaşmadan sonda 2:2 hesablı heç-heçə ilə ayrılan komandamızın bu dəfəki oyununda rahat qələbə qazanacağı gözlənilirdi. Çünki ilk turda Yunanıstan qonşu Gürcüstan millisinə minimal hesabla məğlub olmuşdu. Ancaq gözlənilənlərdən fərqli olaraq, komandamız bu görüşün 41-ci dəqiqəsində Buqaidisin vurduğu yeganə qolla meydanı məğlub tərk edib. 3 oyunçusu sarı vərəqə alan yunanlarda Dimitrios Kolovos 74-cü dəqiqədə meydandan qovulub. Lakin rəqibin azlıqda qalmasından da istifadə edə bilməyən 19 yaşlılarımızın heyətində Amit Quluzadə 24, Mirhüseyn Seyidov isə 60-cı dəqiqədə sarı vərəqə almaqla “fərqlənib”.
Qrupumuzun digər oyununda isə favorit Portuqaliya millisi Gürcüstan üzərində 3:0 hesablı qələbəyə sevinib. Oktaybrın 16-da baş tutacaq son turun oyunlarında yığmamız qonşu Gürcüstan, Yunanıstan isə meydan sahibləriylə münasibətlərinə aydınlıq gətirəcək.
AÇ-nin seçmə mərhələsi
3-cü qrup
13 oktyabr
20:00. Azərbaycan - Yunanıstan - 0:1
Qol: Buqaidis, 40.
Qırmızı vərəqə: Kolovos, 75.
Baş hakim: Mario Vlk (Slovakiya)
Laqos. “Fernando Kabriya” stadionu.
AZƏRBAYCAN: 1. Andrey Popoviç, 2. Qara Qarayev, 3. Tərlan Quliyev, 6. Abdulla Abatsiyev, 8. Yasin Yaqubzadə, 9. Tural İsgəndərov, 10. Amit Quluzadə, 15. Ruslan Tağızadə, 18. Elnur Abdulov (17. Rəhman Hacıyev, 33), 19. Mirhüseyn Seyidov (k), 22. Emin Mehdiyev.
Yığmamızın yer aldığı 3-cü qrupdakı son durum:
1. Portuqaliya 2 1 1 0 5-2 4
2. Gürcüstan 2 1 0 1 1-3 3
3. Yunanıstan 2 1 0 1 1-1 3
4. Azərbaycan 2 0 1 1 2-3 1
Salah "Çelsi"yə qayıdır?
Mönye bu kluba keçdi
"Sabah"ın rəqibi bəlli oldu
"Sabah" ÇL-də növbəti mərhələyə yüksəldi
"Liverpul" "İnter"in təklifini üçüncü dəfə rədd etdi
Dopinq testi müsbət çıxdı, cəzasız qaldılar
Fransa - İspaniya matçının heyətləri açıqlandı
"Real" "Şalke" ilə qarşılaşa bilər
TNS - "Sabah": Heyətlər
"Şamaxı" daha bir portuqaliyalı ilə anlaşdı
"Qəbələ" "Kəpəz"ə qalib gəldi
“Şəfa” 5 yoxlama oyunu keçirəcək
Yamalın atası jurnalistlərlə mübahisə etdi
"Barselona"nın futbolçusu sıradan çıxdı
"İmişli"nin rəqibləri bəlli oldu
Dünya Çempionatı 2026
Xəbərlər
Təqvim
Cədvəl