“Milliyət” Rəşad Sadıqovun “Eskişəhərspor”dakı qazancını açıqladı

XƏBƏR 13 Oktyabr 2010 / 15:02 3134
-  A +

Azərbaycan - Türkiyə oyununun taleyini həll edən millimizin kapitanı Rəşad Sadıqov qardaş ölkə mediasının diqqət mərkəzinə düşüb. Qol.Az-ın məlumatına görə, “Milliyət” qəzeti futbolçumuzun “Eskişəhərspor”a transfer ilə bağlı maraqlı məqamları açıqlayıb. Türkiyə klubuna keçmiş baş məşqçi Rza Çalımbay tərəfindən gətirildiyi qeyd edilən 28 yaşlı müdafiəçinin “Eskişəhərspor”a transfer haqqı ödənmədən gəldiyi deyilir. Çünki həmin vaxt Rəşad azad agent olub. “Milliyət”in iddiasına görə, Sadıqovun “Eskişəhərspor”dakı illik qazancı 500 min dollardır: “Eskişhərspor”a transfer haqqı ödənmədən keçən təcrübəli müdafiəçi illik 500 min dollar dəyərində müqavilə imzalayıb. Azərbaycan milli komandasının ən bahalı oyunçusu olan Sadıqovun transfer qiyməti cəmi 750 min avrodur. Azəri futbolçu “Kayserispor”dan ayrıldıqdan sonra transferi baş tutmadığından bir müddət basketbol oynamışdı. Turkiyə ilə Azərbaycan arasında 2006-cı ilin 12 aprelində Bakıda 1:1 hesabı ilə başa çatan yoldaşlıq oyununda da azərilərin qoluna Rəşad imza atmışdı”.


Son xəbərlər