TFF rəsmisi: “Azərbaycanla qarşılaşma çox çətin keçəcək”

TFF rəsmisi: “Azərbaycanla qarşılaşma çox çətin keçəcək”
XƏBƏR 11 Oktyabr 2010 / 17:43 1749
-  A +

AÇ-2012-nin seçmə mərhələsi çərçivəsində sabah Tofiq Bəhramov adına Respublika stadionunda millimizlə qarşılaşacaq Türkiyə yığmasının məsul şəxslərindən olan Levent Kızıl ölkəsinin mətbuatına maraqlı açıqlamalar verib. Qol.Az-ın məlumatına görə, baş məşqçi Quus Hiddinki müdafiə edən Kızıl bunları deyib: “Almaniya ilə oyundan sonra Hiddinkə müxtəlif təzyiqlərin olması çox normaldır. Lakin həddi aşmaq lazım deyil. Qəbul etsələr də, etməsələr də, Hiddink dünyada öz sözünü demiş bir baş məçqçi və möhtəşəm bir markadır. İlk iki oyunda  6 xal qazandıq. Almaniyaya isə məğlub olduq. Lakin bu oyunda komandamız aşağı səviyyədə çıxış etdiyi üçün təzyiqlər hələ də davam edir. Bununla belə, AÇ-2012-ə gedəcəyimizə heç kimin şübhəsi olmasın. Hiddinki tənqid edənlər hörmət çərçivəsindən kənara çıxmasınlar”.
Azərbaycanla qarşılaşmanın da çətin keçəcəyini bildirən Kızıl ot örtüyündən də şikayət edib: “Azərbaycan meydana qələbə üçün çıxacaq. Çətin bir matç olacağını bilirik. Ot örtüyü də bizi çətin vəziyyətə sala bilər. Futbolçularımız da bundan xəbərdardırlar. Ancaq qalib gəlməkdən başqa seçimimiz yoxdur”.
Almaniya ilə qarşılaşmada böyük hesabla (0:3) məğlub olmaqla bütün Türkiyəni məyus etdiklərini bildirən Levent Kızıl Azərbaycan üzərində qazanılacaq qələbinin bu üzüntünü unutduracağı fikrindədir: “Berlində, stadionda 50 min türk azarkeşimiz qarşısında məğlub olduq. Həm onları, həm də bütün ölkəmizi məyus etdik. Ancaq Azərbaycan qarşısında əldə edəcəyimiz qələbə bu məğlubiyyətin acısını nisbətən azaldacaq”.


Son xəbərlər