Quus Hiddink: “Azərbaycanla oyun fərqli olacaq”

Quus Hiddink: “Azərbaycanla oyun fərqli olacaq”
XƏBƏR 9 Oktyabr 2010 / 18:02 2191
-  A +

“Almaniya layiqli qələbə qazandı. Biz dünyanın ən güclü üç komandasından birinə qarşı mübarizə apardıq. Hesab 0:0 olarkən hesabda irəli keçmək şanslarımız olsa da, bunları əldən verdik. Rəqib isə əlinə düşən bütüm fürsətlərdən məharətlə istifadə etdi”. Qol.Az-ın məlumatına görə, bu sözləri Türkiyə yığmasının baş məşqçisi Qus Hiddink söyləyib.
AÇ-2012-nin seçmə mərhələsi çərçivəsində millimizlə eyni qrupda yer alan və dünən səfərdə Almaniyaya səfərdə 3 cavabsız qolla yenildikləri qarşılaşmadan sonra “ay-ulduzlular”ın hollandiyalı çalışdırıcısı bu uğursuzluğu Bakıda unutdurmaq istədiklərini deyib: “Lakin almanlara məğlubiyyətimizi faciəyə çevirmək düz olmazdı. Buna görə də, indi zədəli futbolçularımızın son vəziyyəti ilə tanış olmalı və Azərbaycan yığması ilə oyunu düşünməliyik. Həmin matça kimi bütün problemləri unutmalıyıq, həmçinin rəqibi yaxşı analiz etməliyik. Çünki Azərbaycanla qarşılaşma almanlardan fərqi olacaq”.


Son xəbərlər