Berti Foqtsun da avstriyalılarla xüsusi haqq-hesabı var

Berti Foqtsun da avstriyalılarla xüsusi haqq-hesabı var
XƏBƏR 8 Oktyabr 2010 / 12:48 1874
-  A +

AÇ-2012-nin seçmə mərhələsi çərçivəsində bu gün səfərdə Avstriyanın qonağı olacaq millimiz tarixində üçüncü dəfə qarşılaşdığı rəqiblə oyunda nəhayət qələbə qazanmaq həsrətindədir. Qol.Az-ın məlumatına görə, DÇ-2006-nın seçmə mərhələsində bu rəqibi ilə eyni qrupda yer alan əsas komandamız Vyanadakı qarşılaşmada 0:2 hesabıyla yenilmişdisə, Bakıda qolsuz heç-heçəyə razılaşmışdı. Bu dəfə isə qələbə qazanmaq növbəsi yığmamızındır. Lakin bu heç də asan olmayacaq. Yeri gəlmişkən qeyd edək ki, avstriyalılarla bu günkü duel elə komandamızın almaniyalı çalışdırıcısı Berti Foqts üçün də prinsipial əhmiyyətə malikdir. Məsələ burasındadır ki, millimiz kimi, baş məşqçisinin də bu rəqiblə xüsusi haqq hesabı var. Foqts futbolçu karyerası dövründə 1978-ci ildə keçirilən dünya çempionatında Almaniya yığmasının heyətində Avstriya millisinə məğlubiyyət acısı yaşayıb. Bundestimin 2:3 hesablı yenilgisi ilə nəticələnən qarşılaşmada millimizin baş məşqçisinin ən acı xatirəsi isə həmin görüşdə avtoqola imza atmasıdır. Təcrübəli mütəxəssis o vaxt hesabı açdıqları qarşılaşmanın 59-cu dəqiqəsində topu öz qapılarına göndərməklə, hesabın bərabərləşməsinə səbəb olmuşdu. Məhz bu üzdən indi Foqts avstriyalılarla köhnə haqq hesabını millimizin sayəsində çürütməyə çalışacaq.


Son xəbərlər