Löv Türkiyə ilə oyunu millimizlə qarşılaşmadan fərqləndirmir

Löv Türkiyə ilə oyunu millimizlə qarşılaşmadan fərqləndirmir
XƏBƏR 7 Oktyabr 2010 / 13:55 1783
-  A +

AÇ-2012-nin seçmə mərhələsi çərçivəsində millimizlə eyni qrupda yer alan Almaniya və Türkiyə yığma komandaları sabah Berlində qarşılaşacaqlar. Qol.Az-ın məlumatına görə, Almaniyanın baş məşqçisi Yoahim Löv Türkiyədən olan həmkarlarımızın suallarını cavablayıb. Matçın xüsusi önəm kəsb etdiyini bildirən Löv, bununla belə şəxsi düşüncəsinə görə, seçmə mərhələnin normal bir matçına çıxacaqlarını bildirib: “Təbii ki, bu qarşılaşma böyük önəm kəsb edir. Türkiyəni yaxşı tanıyıram. Bununla yanaşı, stadionda 75 min azarkeş olacaq. Onların arasında çoxsaylı türk azarkeşlərinin olacağını düşünürəm. Amma mənim şəxsi düşüncəm belədir ki, Türkiyə ilə qarşılaşma Azərbaycan və Belçika qarşılaşmaları kimi seçmə mərhələnin normal bir matçı olacaq”. Löv türk əsilli oyunçusu Məsut Özil haqqında verilən sualı cavablayarkən, Məsutun professional futbolçu olduğunu və qərarını da buna əsaslanaraq verdiyini söyləyib: “Məsutla bağlı onu deməliyəm ki, o professionaldır və uzun zaman öncə Almaniya millisini seçib. Ola bilsin ki, tribunadakı türk azarkeşlər onu fitə bassınlar, ancaq Məsut elə bir xarakterə malikdir ki, bunun öhdəsindən gələ bilər. Düzdür, Məsutla bu barədə danışanda onun üçün çox çətin bir qarşılaşma olacağını söylədi. Ancaq dediyim kimi, mən Məsuta inanıram”.

Daha çox


Son xəbərlər