Qari Stivens: “Simurq”la oyunda nəticə qazanmaq çox mühüm idi”

“Qələbə qazandığımız oyunun heyətindən 11 futbolçunu növbəti matçda əsas heyətdə görə bilmək yaxşı işarədir. Oktyabrın 1-də “Simurq”la rəqib meydanındakı oyun zamanı bizdə də vəziyyət elə bu cür idi. “Qarabağ”la oyunda biz 3 dəyərli xal qazanmışdıq. Eyni zamanda bizim əlavə zədə və cəza problemimiz də yox idi. Həm Saşa Yunisoğlu, həm də Nodar Məmmədov “Qarabağ”la oyundan dərhal sonra 3 günlük Azərbaycan milli komandasının Bakıdakı düşərgəsinə getdilər və hər ikisi oradan yaxşı formada qayıtdılar. Görünürdü  ki, bu məşqlər onlara müsbət təsir edib. Biz də heç bir  futbolçunun zədə almaması üçün oyun qabağı məşqlərdə çox ehtiyatla işləyirdik”. Qol.Az-ın məlumatına görə, bu sözləri “Qəbələ”nin baş məşqçisi Toni Adamsın əsas köməkçisi Qari Stivens klubun rəsmi saytına açıqlamasında söyləyib.
Son turun “Simurq”la səfər oyununa texniki baxış keçirən mütəxəssis 2 cavabsız qolla qələbə qazandıqları oyun barədə daha sonra bunları söyləyib: “Turnir cədvəlinin aşağısında olsa da, “Simurq”un yaxşı vəziyyətdə olduğunu hiss edirdik və bir həftə əvvəl onların “Muğan”la oyununa da baxmışdıq. Bu mövsümün əvvəlində “Turan”la 2:2 hesablı ev oyunu da daxil olmaqla, “Simurq”un bir neçə əlavə oyununa da DVD-də baxmışdıq. Oyunun ilk yarısında vəziyyət meydanın mərkəzində üstünlüyü əlində saxlayan “Simurq”da idi. Qoqa Berayanın tez zədələnməsi vəziyyəti çətinləşdirdi və biz onu Abdulkader Kamara ilə əvəz etməyə məcbur olduq. İlk yarıda “Simurq” bir neçə dəfə qol vurmaq imkanı tapdı. Ancaq Lyuba Baraninin uzun ötürməsinə Deon Barton və Saşanın başla zərbə vurmasından sonra qısa məsafədən qol vuruldu və önə keçdik. 1 həftə əvvəl Lyubanun 7 uzun ötürməsindən sonra fərqlənə bilməmişdik. Buna görə də biz cərimə meydançasında oyunçularımızın düzülüşünü və sayını dəyişdik və bunun bəhrəsini gördük. Belə ki, indi cərimə meydançasında oyunçu sayı daha az idi və hərəkət etmək üçün daha çox yer var idi. Birinci hissədə vurduğumuz qoldan başqa Branimir Subaşiç üçün daha bir şans yarandı. Deon və Kristian Torres də hücuma cəlb olundu, amma mudafiəçi əla sədd yaradaraq fəqrlənməyimizə imkan vermədi.  Ev sahiblərinin  qapıçısı ilə toqquşan Deon da zədə aldı və Terri Kok onu əvəz etdi.
Ola bilsin, ikinci hissədə yağan yağış bizə topu bir az cəld hərəkət etdirməyə kömək etdi. Ancaq biz yaxşı oynayırdıq. İkinci hissənin əvvəlində Razvanın zədə alması nəticəsində sol arxa cinahda Ramin onu əvəz etdi və bununla da cari mövsümdə ilk dəfə  özünü göstərmək imkanı qazandı.
Terri Kuk bizim üçüncü əvəzetməmiz idi. O, meydana daxil olduqdan sonra ikinci qola  imza ataraq bizim gərginliyimizə son qoydu.
Qəbul etmək lazımdır ki, komanda mövsüm boyu müxtəlif səviyyədə oyun göstərə bilər ancaq biz  daha stabil olmağa çalışırıq. “Simirq”la oyunda nəticə əldə etmək çox mühüm idi. Yalnız onların mövqeyinin zəif olduğuna görə yox, həmçinin qarşıda iki həftəlik fasilə var və həm oyunçular həm  məşqçilər, klub rəsmiləri və azarkeşlər üçün pis nəticəni düzəltmək üçün bu qədər vaxt gözləmək yaxşı deyil. “Muğan”a qarşı növbəti ev oyununa qədər olan iki həftəlik müddət bizim zədəli oyunçuların tam formaya qayıtmasına imkan verəcək və həmçinin bütün komanda ardıcıl iki qələbələrinin fonunda qısa da olsa istirahət edəcək”.