“Qarabağ” “Simurq”la oyunun hazırlıqlarına start verdi

XƏBƏR 7 Oktyabr 2010 / 12:29 1663
-  A +

“Qarabağ” millimizin AÇ-2012-nin seçmə mərhələsi çərçivəsində keçirəcəyi qarşıdakı oyunlarla əlaqədar Unibank Premyer Liqasında yaranan fasilə ilə əlaqədar futbolçularına istirahət vermişdi. Qol.Az-ın Ağdam klubunun rəsmi saytına istinadən məlumatına görə, artıq bu gün həmin istirahət başa çatıb. Bazaya toplaşan futbolçular növbəti turun “Simurq”la oyununun hazırlıqlarına elə bu gündən başlayacaqlar. Komanda 16:00-da Suraxanı qəsəbə stadionunda baş məşqçi Qurban Qurbanovun rəhbərliyi altında məşqə çıxacaq. Fərqli millilərə 12 futbolçu göndərən “Qarabağ” zədəli Əfran İsmayılov və Ayxan Abbasovun da xidmətindən məhrumdur. Devran Ayhan isə fərdi çalışmalara başlayıb.
Bu arada komanda yaranmış fasilədən yararlanmaq üçün yoxlama oyunu keçirməyi planlaşdırır. Oktyabrın 12-də Ağdam təmsilçisi “Neftçi” ilə yoxlama oyununda qüvvəsini sınayacaq. Xəbər verdiyimiz kimi, bu qarşılaşma ADBTİA-nın stadionunda baş tutacaq.

Daha çox


Son xəbərlər