“Beşiktaş” Kuaresmanın ardınca Qutini də itirdi

“Beşiktaş” Kuaresmanın ardınca Qutini də itirdi
XƏBƏR 6 Oktyabr 2010 / 14:39 2411
-  A +

Türkiyənin “Beşiktaş” klubunun portuqaliyalı futbolçusu Rikardo Kuaresmanın ardından daha bir supertransfer Quti Ernandes də sıradan çıxıb. Qol.Az-ın klubun rəsmi saytına istinadən verdiyi məlumata görə, ispaniyalı yarımmüdafiəçi 2 həftə komandasına kömək edə bilməyəcək.
Qutinin Türkiyə Superliqasının ötən turunda “Trabzonspor”la oyun zamanı sol ayaq əzələsini dartdığı məlum olub. Bu isə o deməkdir ki, 34 yaşlı futbolçu yığma komandaların Avropa çempionatının seçmə qrup mərhələsindəki oyunları ilə əlaqədar verilən fasilə başa çatdıqdan sonra Superliqanın növbəti turunda “Manisaspor”la matçı buraxacaq.
Qeyd edək ki, hazırda “Beşiktaş”da Rikardu Kuaresma və Qutidən əlavə, Fatih Təkkə, Erhan Güvən, Tomas Sivok, Əkrəm Dağ, Matteo Ferrari və Tomaş Zapotoçnı da zədəlidir.

Daha çox


Son xəbərlər