“Liverpul” klubu yeni sahibinə qovuşdu

“Liverpul” klubu yeni sahibinə qovuşdu
XƏBƏR 6 Oktyabr 2010 / 14:13 1994
-  A +

İngiltərənin köklü klublarından biri olan “Liverpul” yenidən satılıb. Qol.Az–ın klubun rəsmi saytına istinadən verdiyi məlumata görə, komandanın prezidenti Martin Brouqton satışı rəsmi şəkildə təsdiq edib: “Çox uğurlu bir təklif və satış prosesi baş tutduğu üçün şadam. Rəhbərlik “NESV”–in təklifini qəbul etdi”.
2007–ci ilin fevral ayında 218.9 milyon fund qarşılığında amerikalı milyarder Tom Hiks və Corc Qillet tərəfindən satın alınan “Liverpul” klubu o vaxtdan indiyə kimi maddi böhrandan çıxa bilməyib. Bununla yanaşı, üst-üstə gələn uğursuz nəticələr azarkeşlərin amerikalılara nifrət bəsləmələrinə səbəb olmuşdu. Əldə edilən razılığa əsasən klubun yeni sahibi Con Vilyam Henri olacaq. Hazırda satış prosesinin tam təsdiqini tapması üçün bir addım qalıb. Belə ki, Premyer Liqa rəhbərliyi də bu satışı təsdiqləməlidir. Bundan sonra isə yenidən rəsmi açıqlama veriləcəyi gözlənilir.

Daha çox


Son xəbərlər