Rednik Rumıniya yığmasının üzvünü “Xəzər Lənkəran”a gətirir

Rednik Rumıniya yığmasının üzvünü “Xəzər Lənkəran”a gətirir
XƏBƏR 6 Oktyabr 2010 / 12:15 2079
-  A +

"Xəzər Lənkəran" daha bir rumıniyalı futbolçunu heyətinə qata bilər. Qol.Az-ın Rumıniya mətbuatına istinadən məlumatına görə, cənub təmsilçisinin baş məşqçisi Mirça Rednik həmyerlisi Romeo Konstantin Surdunu komandasında görmək istəyir. Buxarest "Styaua"sında forma geyinən Surdunun qışda "Xəzər Lənkəran"a transfer olunacağı deyilir.
Qeyd edək ki, Romeo Konstantin Surdu 12 yanvar 1984-cü ildə Rumıniyanın Braşov şəhərində dünyaya gəlib. 1.76 sm boyu olan forvard 2001-2005-ci illərdə "Braşov"da 66 oyun keçirib və 18 qola imza atıb. 2005-ci ildə transfer olunduğu ÇFR-də (Kluj) 51 oyuna çıxıb, 16 qola imza atan Surdu 2007-ci ildə "Styaua"ya keçib. 2008-2009 mövsümünü icarə əsasında "Braşov"da keçirən forvard (21 oyun, 8 qol) indiyədək 21 dəfə "Styaua"nın formasını geyinib və 8 qola imza atıb.
Surdu 2004-2006-cı illərdə Rumıniya U-21-nə çağırılıb və forma geyindiyi 11 oyunda 3 qol vurub. 2009-cu ildə 3 dəfə Rumıniyanın əsas millisinə dəvət alıb.
Hazırda "Xəzər Lənkəran"da 4 rumıniyalı futbolçu Adrian İordaşe, Konstantin Arbanas, Katalin Doman və Stelian Stanku forma geyinir. Həmçinin Rumıniya Liqa 1-də top qovmuş Dieqo Ruis, Uinston Parks və Denis Romanovs da Lənkəran klubunun uğurları üçün çalışır.

Daha çox


Son xəbərlər